Супрацоўнікі факультэта біялогіі і экалогіі Купалаўскага ўніверсітэта – загадчык кафедры тэхналогіі, фізіялогіі і гігіены харчавання Аксана Паўлава і дацэнт кафедры тэхналогіі, фізіялогіі і гігіены харчавання Марыя Трусава – атрымалі патэнт на вынаходку “Спосаб атрымання хітазана”.Вынаходства адносіцца да хімічнай тэхналогіі перапрацоўкі прыродных палімераў, у прыватнасці хіціну, які атрымліваюць з панцыраў марскіх ракападобных, экзаскелета насякомых, грыбоў. Атрыманы хітазан з'яўляецца каштоўнай сыравінай для стварэння прэпаратаў медыцынскага, касметычнага і харчовага прызначэння.
Галоўная каштоўнасць распрацоўкі вучоных Купалаўскага ўніверсітэта заключаецца ў экалагічнасці і эканамічнасці. Новы метад дазваляе атрымаць хітазан пры адначасовым другасным выкарыстанні адыходу вытворчасці цытрынавай кіслаты. Пры гэтым значна знізіць агрэсіўнасць хімічных рэагентаў і скараціць выдаткі на гэты працэс, што робіць вытворчасць больш эфектыўнай і бяспечнай.