У дыялогавай пляцоўцы прынялі ўдзел студэнты Купалаўскага ўніверсітэта, а таксама начальнік аддзялення арганізацыі працы інспекцыі па справах непаўналетніх аддзела прафілактыкі ўпраўлення аховы правапарадку і прафілактыкі міліцыі грамадскай бяспекі УУС Гродзенскага аблвыканкама Сяргей Крупіца і оперупаўнаважаны аддзяленні па супрацьдзеянні кіберзлачыннасці АУС адміністрацыі Ленінскага раёна горада Гродна Даніла Быкаў.

У рамках сваіх выступленняў запрошаныя госці дэталёва разабралі паняцце экстрэмісцкай дзейнасці, расказалі аб яе праявах, метадах і прадугледжаных законам мерах пакарання. Асобная ўвага была ўдзелена пытанню рэабілітацыі нацызму. Купалаўцам растлумачылі, што маецца на ўвазе пад гэтым тэрмінам, назвалі асноўныя напрамкі прафілактыкі і пералічылі меры, якія прымяняюцца для спынення спроб апраўдання нацызму. Таксама госці закранулі тэму кіберзлачынстваў. Удзельнікі даведаліся пра найбольш распаўсюджаныя схемы і спосабы супрацьдзеяння ім.

Сустрэча прайшла ў фармаце адкрытага дыялога. Купалаўцы актыўна бралі ўдзел у абмеркаванні тэм і задавалі пытанні.