Форум «Сэнс. Жыццё. Будучыня» сабраў больш за 200 удзельнікаў. Праграма была насычанай. Пасля прывітальных слоў ганаровых гасцей для ўдзельнікаў правялі экскурсію і працавалі тэматычныя пляцоўкі: музычная гасцёўня, відэазала, тэатральная зала і арт-гасцёўня. Прысутныя пагрузіліся ў дыскусіі аб мужнасці і жаноцкасці, рэалізацыі талентаў, зацвярджэнні жыццёвага сэнсу, а таксама абмеркавалі стварэнне і захаванне моцнай сям'і і перадачу каштоўнасцей будучым пакаленням.

Ключавой часткай форуму стала цырымонія ўзнагароджання пераможцаў конкурсу «Моладзь Беларусі за жыццё, маральнасць і сямейныя каштоўнасці». Дыпломы прызёрам уручыў Мітрапаліт Мінскі і Заслаўскі Веніямін, Патрыяршы Экзарх усяе Беларусі. Уладальнікам дыплома трэцяй ступені стаў праект студэнтаў Купалаўскага ўніверсітэта «Дай яму шанец». Кіраўніком праекта выступіла спецыяліст аддзела падтрымкі маладзёжных праектаў і ініцыятыў Ангеліна Займак. Праект накіраваны на прыцягненне ўвагі грамадства да праблемы сіроцтва. Праз сацыяльную рэкламу аб дзецях, якія засталіся без бацькоў, ён нагадвае, як важна кожнаму дзіцяці мець кахаючую сям'ю.

Віншуем купалаўцаў і жадаем ім далейшага паспяховага развіцця праекту!