На другі дзень таленавітыя першакурснікі прадэманстравалі свае творчыя здольнасці. Іх яркія выступленні пакінулі незабыўныя ўражанні і выклікалі буру станоўчых эмоцый.

Педагагічны факультэт акунуў гледачоў у сапраўдны свет моды. Іх выступленне ўразіла касцюмамі і старанна прадуманымі дэкарацыямі, якія ствараюць непаўторную атмасферу.

Першакурснікі факультэта псіхалогіі па-сапраўднаму здзівілі гледачоў глыбінёй задумы і майстэрствам рэалізацыі. Іх выступленне адрознівалася не толькі арыгінальным сюжэтам, але і добрай акцёрскай ігрой.

Студэнты факультэта біялогіі і экалогіі паказалі дынамічнае і відовішчнае выступленне. Падарылі гледачам выдатную камандную працу, запамінальныя танцы і дасціпныя жарты.

Конкурс «Alma Mater – каханне з першага курса 2025» працягвае адкрываць новыя таленты і дарыць яркія ўражанні. Наперадзе яшчэ шмат цікавага, не прапусціце магчымасць акунуцца ў свята творчасці і крэатыву!