Пасля абмеркавання перспектыў узаемадзеяння для кітайскіх калег арганізавалі знаёмства з інжынерным факультэтам ГрДУ імя Янкі Купалы. Экскурсію па факультэце для гасцей правёў дэкан Дзмітрый Ліннік. Ён падрабязна пазнаёміў гасцей з кафедрамі, спецыяльнасцямі, аўдыторыямі і матэрыяльна-тэхнічнай базай, а таксама расказаў пра асаблівасці навучання.

Кульмінацыяй сустрэчы стала падпісанне мемарандума аб стварэнні Цэнтра падрыхтоўкі кадраў па новых электрамабілях і тэхналогіях альтэрнатыўнай энергетыкі паміж ГрДУ імя Янкі Купалы і Ганьсускім прафесійна-тэхнічным каледжам транспарту. Яго мэта - развіццё міжнароднага супрацоўніцтва ў галіне адукацыі, умацаванне ўзаемаразумення, сяброўства і партнёрскіх адносін.

Бакі дамовіліся супрацоўнічаць у рамках стварэння Ганьсускім прафесійна-тэхнічным каледжам транспарту Цэнтра падрыхтоўкі кадраў па новых тэхналогіях электрамабіляў і альтэрнатыўных крыніц энергіі на базе інжынернага факультэта Купалаўскага ўніверсітэта. Таксама ВНУ дамовіліся распрацоўваць і ажыццяўляць сумесныя праекты ў сферы адукацыі, прыцягваць да супрацоўніцтва профільныя дзяржаўныя і недзяржаўныя арганізацыі, праводзіць сумесныя мерапрыемствы.