Навучэнцы старэйшых класаў сярэдняй школы №13 горада Мазыра прынялі ўдзел у прафарыентацыйным мерапрыемстве фізіка-тэхнічнага факультэта ГрДУ імя Янкі Купалы «Будучыню выбіраю сёння». У ролі спікера і суразмоўцы выступіў студэнт 1 курса фізіка-тэхнічнага факультэта спецыяльнасці «Інфармацыйна-вымяральныя прыборы і сістэмы», выпускнік гэтай школы Іван Трахімчук.Дзеці абмеркавалі працэдуру паступлення ў ГрДУ імя Янкі Купалы. Ім расказалі аб умовах мэтавай падрыхтоўкі, пазнаёмілі са спецыяльнасцямі фізіка-тэхнічнага факультэта. Абітурыенты вывучылі сайт «Абітурыент», дзе яны могуць зарэгістравацца ў асабістым кабінеце і атрымаць прафесійныя адказы на пытанні. Асаблівую цікавасць выклікала пытанне пражывання ў інтэрнаце. Напрыканцы размовы Іван Трахімчук з гонарам расказаў аб хуткім уводзе ў эксплуатацыю новага навучальнага корпуса па вуліцы Паповіча для фізіка-тэхнічнага факультэта.
Па выніках мерапрыемства навучэнцы атрымалі інфармацыю аб рэгламенце паступлення, працэсе навучання і перспектывах працаўладкавання, а таксама кантактныя даныя для атрымання дадатковай інфармацыі.
