На факультэце эканомікі і кіравання кафедра фінансаў і бухгалтарскага ўліку сумесна з партнёрамі з ліку арганізацый - заказчыкаў кадраў правялі мерапрыемства, прымеркаванае да святкавання Міжнароднага дня банкаў. Яго ўдзельнікамі сталі выкладчыкі і студэнты факультэта эканомікі і кіравання, а таксама прадстаўнікі ААТ "Белаграпрамбанк", які з'яўляецца базавай арганізацыяй кафедры.З прывітальным і сказаным на дарогу словам да студэнтаў звярнулася Галоўны спецыяліст Упраўлення па падборы персаналу і развіцці кар'еры ААТ «Белаграпрамбанк» Людміла Даламбоўская. У сваім звароце яна павіншавала прысутных з надыходзячым Міжнародным днём банкаў, прадставіла дасягненні і перспектывы развіцця ААТ "Белаграпрамбанк", магчымасці для праходжання практык і далейшага працаўладкавання студэнтаў.
Загадчык кафедры фінансаў і бухгалтарскага ўліку Людміла Тарасава падкрэсліла, што фінансавы рынак увесь час развіваецца, з'яўляюцца новыя фінансавыя паслугі, лічбавыя фінансавыя тэхналогіі, якія патэнцыйна нясуць з сабой і пэўныя рызыкі. Таму валоданне фінансавымі ведамі, уключаючы асновы лічбавай бяспекі, не толькі садзейнічае прытоку сродкаў грамадзян у эканоміку краіны, але і ўмацаванню фінансавай стабільнасці.
У рамках праграмы па павышэнні фінансавай пісьменнасці Людміла Даламбоўская сумесна з супрацоўнікамі кафедры фінансаў і бухгалтарскага ўліку правялі эканамічны квэст, які дазволіў ацаніць тэарэтычныя, практычныя навыкі студэнтаў і «прапампаваць» soft skills, якія з'яўляюцца найважнейшым складнікам поспеху для запатрабаванага на рынку працы спецыяліста.
У эканамічным квэсты прынялі ўдзел студэнты 1, 3, 4 курсаў спецыяльнасці "Фінансы і крэдыт" і 1 курса спецыяльнасцей "Эканоміка і кіраванне на прадпрыемстве", "Сусветная эканоміка". Ва ўпартай барацьбе перамогу атрымала каманда ў складзе студэнтаў спецыяльнасці "Фінансы і крэдыт"!
