Фінал конкурсу адбыўся 25-26 кастрычніка ў Minsk Marriott Hotel. У фінал выйшлі студэнткі 4 курса факультэта гісторыі камунікацыі і турызму Валерыя Раманчук, Вераніка Саковіч і Анастасія Ціўнчык.

Для ўдзелу былі заяўлены 60 праектаў, у фінал прайшлі толькі 11, сярод якіх і распрацаваны студэнткамі факультэта гісторыі, камунікацыі і турызму праект "РазМова". Яго галоўная ідэя - стварыць размоўны клуб як пляцоўку для вывучэння і практыкі беларускай мовы, абмену вопытам, ведамі паміж людзьмі розных узростаў, прафесій і сацыяльных статусаў.

Праекты ацэньвала кампетэнтнае журы, якое складаецца з дырэктараў камунікацыйных, брэндынгавых і рэкламных агенцтваў.

Конкурс праходзіў у рамках Фестывалю маркетынгу і рэкламы Лама. Галоўны партнёр - МТБанк. Як удзельнік Глабальнага Дагавора ААН у Беларусі ён прапанаваў маладым крэатарам вырашыць брыф на сацыяльна значную тэму і ўнесці свой уклад у прыцягненне грамадства да дасягнення лепшай і ўстойлівай будучыні для ўсіх.

Усе ўдзельнікі адкрытай абароны праектаў былі ўзнагароджаны дыпломамі, а пераможцы - падарункамі ад спонсара і грашовымі прызамі.