Конкурс стартап-праектаў праводзіцца па прыярытэтных напрамках навуковых даследаванняў і навукова-тэхнічнай дзейнасці ў Рэспубліцы Беларусь па трох намінацыях: "Лепшы стартап-праект - ТЭХНАЛОГІЯ», «Лепшы стартап-праект - прадукт», «Лепшы стартап-праект - паслугі». Мэта правядзення конкурсу - экспертная падтрымка і садзейнічанне ў развіцці інавацыйных бізнес-ідэй на ранняй стадыі, стымуляванне студэнтаў і магістрантаў універсітэта і навучэнцаў каледжаў ствараць інавацыі і прапаноўваць арыгінальныя прадукты - тэхналогіі, тавары і паслугі.

Конкурс праводзіцца ў чатыры этапы. Першы этап - падача праектаў для ўдзелу ў конкурсе працягнецца да 30 верасня 2018 года. Удзельнікі конкурсу індывідуальна або ў складзе каманды да 3-х чалавек рэгіструюць праекты на web-старонцы конкурса . Рэкамендуемая форма прадстаўлення праекта прадстаўлена ў Дадатку.

На другім этапе адбор праектаў для фіналу конкурсу ажыццяўляе журы конкурсу па выніках разгляду пададзеных удзельнікамі праектаў. Для ўдзелу ў вочным фінальным туры будуць адабраны не больш за 10 інавацыйных праектаў, якія адпавядаюць такім крытэрам, як запатрабаванасць (актуальнасць), жыццяздольнасць (практычная реалізуемасць), перспектыўнасць (канкурэнтаздольнасць) і наяўнасць абгрунтаванай бізнес-мадэлі.

Трэцім этапам конкурсу стане падрыхтоўчы трэнінг, дзе фіналісты з дапамогай экспертаў распрацуюць прэзентацыі бізнес-планаў для прадстаўлення ў фінале. Аўтары праектаў, якія прайшлі адбор у фінал конкурсу, будуць праінфармаваныя пра гэта не пазней за 15 кастрычніка 2018 года і 17-18 кастрычніка 2018 года прымуць удзел у падрыхтоўчым трэнінгу.

У фінале конкурсу «Стартап бой» адбудуцца прэзентацыі праектаў, кансультацыі з экспертамі-прадпрымальнікамі, майстар-класы, нетворкінг.

Пераможцы конкурсу атрымаюць прызы, сертыфікат на бясплатнае бізнес-інкубіраванне ў навукова-тэхналагічным парку, магчымасць карыстацца інфраструктурай і паслугамі навукова-тэхналагічнага парку на працягу цэлага года бясплатна.

За дадатковай інфармацыяй аб конкурсе звяртайцеся:

тэл.: +375 152 772477, +375 29 2893022, e-mail: glazev@grsu.by – Антон Анатольевіч Глазеў,

тэл.: +375 152 721057, +375 29 5873429, e-mail: opekoun@grsu.by – Алена Уладзіміраўна Апекун.