14 лістапада ў Гродзенскім дзяржаўным універсітэце імя Янкі Купалы адбудзецца XII Міжнародная навукова-практычная канферэнцыя "Сацыялізацыя асобы на розных этапах узроставага развіцця: вопыт, праблемы, перспектывы".Работа канферэнцыі будзе арганізавана па наступных напрамках: актуальныя пытанні псіхолага-медыка-педагагічнай дыягностыкі парушэнняў развіцця ў дзяцей, падлеткаў і дарослых; інавацыйныя тэхналогіі, метады і формы работы з дзецьмі з асаблівасцямі псіхафізічнага развіцця; сучасныя інклюзіўныя тэндэнцыі ў сістэме адукацыі; падрыхтоўка спецыялістаў у галіне спецыяльнай і інклюзіўнай адукацыі; узаемадзеянне ўстаноў адукацыі, сем'яў, грамадскіх арганізацый у навучанні і выхаванні дзяцей з асаблівасцямі псіхафізічнага развіцця, духоўна-маральнае выхаванне дзяцей і падлеткаў, выкарыстанне здароўезберагальных тэхналогій у працэсе навучання і выхавання дзяцей і падлеткаў, а таксама маладыя даследчыкі (удзел у канферэнцыі без публікацыі, прызначаны для студэнтаў).
Канферэнцыя праводзіцца ў завочнай форме ў выглядзе абмеркавання матэрыялаў на сайце канферэнцыі. Заяўку для ўдзелу неабходна падаць да 25 кастрычніка 2025 года на сайце.
Па выніках канферэнцыі плануецца выданне электроннага зборніка навуковых прац, які будзе размешчаны ў базе РІНЦ. Даследчыкі, якія даслалі матэрыялы па накіраванні «Маладыя даследчыкі» ўдзельнічаюць толькі ў абмеркаванні матэрыялаў канферэнцыі.
З больш падрабязнай інфармацыяй можна азнаёміцца па спасылцы.