Вакальны ансамбль «Music Art» Гродзенскага дзяржаўнага ўніверсітэта імя Янкі Купалы пад кіраўніцтвам старшага выкладчыка кафедры музычнага мастацтва Алены Яновіч стаў адным з удзельнікаў конкурсу. Канкурсанты прадставілі на суд журы шырокую праграму, якая ўключае песні і творы, прысвечаныя ваенным дзеянням, бітвам, героям ваеннага часу, а таксама гарадам-героям і любові да Радзімы. Вакалісты выканалі творы патрыятычнага кірунку, напісаныя як у ваенныя, так і ў пасляваенныя гады, адлюстроўваючы дух і рэаліі жыцця падчас вайны.

Выступленне ансамбля «Music Art» пакарыла журы і прывяло да заслужанай перамогі. Па выніках фестывалю купалаўцы сталі ўладальнікамі Гран-пры, што з'яўляецца значнай узнагародай і пацвярджэннем высокага ўзроўню артыстызму і майстэрства ўдзельнікаў.

Віншуем вакальны ансамбль «Music Art» з перамогай і жадаем далейшых творчых поспехаў! Іх дасягненне не толькі ўмацоўвае рэпутацыю ўніверсітэта ў культурнай сферы, але і натхняе будучыя пакаленні студэнтаў на ўдзел у падобных мерапрыемствах.