Навучанне ў Летняй школе рускай мовы ідзе поўным ходам! Замежныя студэнты з усім стараннем вывучаюць не толькі рускую мову, але і культуру Беларусі.

Учора, 12 жніўня, для ўдзельнікаў арганізавалі экскурсію да адной з галоўных славутасцяў Гродна – Кафедральнага сабора Святога Францішка Ксаверыя. Слухачы школы не толькі пазнаёміліся з багатай гісторыяй Фарнага касцёла, але і на свае вочы ўбачылі адну з яго галоўных славутасцяў – старадаўні арган, а таксама захапіліся неверагоднай прыгажосцю будынка. Завяршыўся дзень выкананнем рускіх песень.

Сёння, 13 жніўня, удзельнікі Летняй школы працягнулі спасцігаць тонкасці рускай мовы з выкладчыкамі Купалаўскага ўніверсітэта і пазнаёміліся з традыцыйнымі нацыянальнымі стравамі на кулінарным майстар-класе. Таксама навучэнцаў чакае беларуская вечарына, якая дазволіць ім бліжэй даведацца пра беларускую культуру.