За пяць дзён плануюць праслухаць больш за 240 прэтэндэнтаў, сярод якіх – прадстаўнікі Гродзенскага дзяржаўнага ўніверсітэта імя Янкі Купалы. Сёння свае вакальныя даныя прадзюсеру праекта Андрэю Гузелю прадставілі спецыяліст аддзела міжнародных праектаў і акадэмічнай мабільнасці Карына Маляўская, а таксама студэнткі 2-га курса факультэта гісторыі, камунікацыі і турызму Ульяна Вільчык і Юлія Дзенясюк.

Па правілах новага сезона кожны прадзюсер забярэ ў сваю каманду ўсяго аднаго вакаліста ад горада. Кастынгі праходзяць у будынку Гродзенскага абласнога аб'яднання прафсаюзаў (вул. Савецкая, 4).

Купалаўскі ўніверсітэт ганарыцца сваімі талентамі і жадае нашым удзельніцам упэўненасці, натхнення і запаветнага білета ў наступны этап шоу! Мы верым, што менавіта ваш голас стане адкрыццём гэтага сезона!