Сёння, 26 сакавіка, з візітам у Гродзенскі дзяржаўны ўніверсітэт імя Янкі Купалы прыбыла дэлегацыя Пасольства Туркменістана ў Рэспубліцы Беларусь на чале з Надзвычайным і Паўнамоцным Паслом Туркменістана ў Рэспубліцы Беларусь Назаркулы Шакулыевым. Мэтай візіту стала сустрэча з кіраўніцтвам і замежнымі студэнтамі ўніверсітэта.
Візіт дэлегацыі Пасольства Туркменістана ў Рэспубліцы Беларусь на чале з Надзвычайным і Паўнамоцным Паслом Туркменістана ў Рэспубліцы Беларусь Назаркулы Шакулыевым пачаўся з цёплага і сардэчнага прыёму. Рэктар Купалаўскага ўніверсітэта Ірына Кітурка прывітала членаў дэлегацыі, а асаблівы нацыянальны каларыт і атмасферу хатняй утульнасці стварылі студэнты з Туркменістана. Па традыцыі сваёй радзімы купалаўцы сустрэлі ганаровых гасцей з нацыянальнай стравай – чарэкам. Зарадзіўшыся пазітыўнай энергіяй, удзельнікі візіту адправіліся ў залу для адкрытага дыялогу.
З прывітальным словам да ўдзельнікаў сустрэчы звярнулася рэктар Гродзенскага дзяржаўнага ўніверсітэта імя Янкі Купалы Ірына Кітурка.
– Сёння мы маем вялікі гонар прымаць у сценах нашага ўніверсітэта дэлегацыю Пасольства Туркменістана ў Рэспубліцы Беларусь на чале з Надзвычайным і Паўнамоцным Паслом Туркменістана ў Рэспубліцы Беларусь спадаром Назаркулы Шакулыевічам Шакулыевым. Мы ўдзячныя Вам, шаноўны спадар Пасол за ўвагу да нашага ўніверсітэту, за клопат аб студэнтах і за садзейнічанне ва ўсталяванні і ўмацаванні супрацоўніцтва з установамі вышэйшай адукацыі Туркменістана! – падкрэсліла Ірына Фёдараўна. – Сённяшні візіт Надзвычайнага і Паўнамоцнага Пасла Туркменістана ў Рэспубліцы Беларусь спадара Назаркулы Шакулыевіча не першы. Гэта ўжо пяты візіт у наш універсітэт і наша сённяшняе ўрачыстае мерапрыемства прысвечана важнай тэме – азнаямленню з дэвізам Туркменістана 2026 года – «Незалежны нейтральны Туркменістан – радзіма мэтанакіраваных крылатых скакуноў» і 35-й гадавіне дзяржаўнай незалежнасці Туркменістана.
Да ўдзельнікаў сустрэчы звярнуўся Надзвычайны і Паўнамоцны Пасол Туркменістана ў Рэспубліцы Беларусь Назаркулы Шакулыеў.
– Я даўно падтрымліваю дружалюбныя адносіны з Вашай навучальнай установай. Сённяшнюю нашу сустрэчу мы падзелім на два этапы. Азнаёмім Вас з праведзенымі мерапрыемствамі ў Туркменістане, а другім этапам стане сяброўская гутарка з нашымі грамадзянамі, якія навучаюцца ва ўніверсітэце. Калі ў кагосьці ёсць пытанні ці ўзніклі цяжкасці, мы будзем шукаць шляхі для іх вырашэння з кіраўніцтвам навучальнай установы, – адзначыў Назаркулы Шакулыевіч.
У сваім звароце Надзвычайны і Паўнамоцны Пасол Туркменістана ў Рэспубліцы Беларусь Назаркулы Шакулыеў закрануў гістарычныя і культурныя аспекты ўзаемадзеяння нашых краін. Адмысловая ўвага ў выступе была нададзена агульнай гісторыі народаў СССР, у якой загартоўвалася братэрства і ўзаемавыручка. Спадар Назаркулы Шакулыеў адзначыў, што ў 2026 годзе Туркменістан адзначае знакавую дату – 35-годдзе сваёй незалежнасці, шлях якой быў азнаменаваны імкненнем да міру і прагрэсу. Пасол Назаркулы Шакулыеў падкрэсліў, што нейтральная палітыка дазваляе краіне быць надзейным партнёрам і міратворцам, а таксама выказаў надзею на тое, што маладое пакаленне абедзвюх краін будзе з павагай ставіцца да багатай культурнай спадчыны постсавецкіх краін, захоўваючы і прымнажаючы традыцыі дружбы, якія звязваюць нашы народы.
У рамках сустрэчы была прадстаўлена кніга, якая была выдадзена Прэзідэнтам Туркменістана Сердарам Гурбангулыевічам Бердымухамедавым «Нейтралітэт Туркменістана – светлы шлях міру і даверу». Кніга прымеркавана да 30-годдзя нейтралітэту краіны.
– У мінулым годзе мы адзначалі 30-годдзе нейтральнага статусу Туркменістана, наш паважаны Прэзідэнт зрабіў падарунак – выдаў кнігу, – падзяліўся Назаркулы Шакулыевіч. – Для туркменскага народа нейтралітэт – гэта натуральны працяг нашай гісторыі, культуры, духоўнасці і нацыянальнага характару. Галоўнай умовай сілы і росквіту туркменскіх дзяржаў, якія існавалі раней, а таксама асновай росквіту і дабрабыту ўсёй нацыі выступала ментальнасць туркмена. Шырокая адкрытасць да міру, гатоўнасць да супрацоўніцтва, прыродная міралюбнасць, цярпімасць і павага да чужой думкі – усе гэтыя рысы, сфармаваныя на працягу некалькіх тысячагоддзяў, і складаюць сутнасць нацыянальнай ментальнасці туркменаў.
Пасля выступу спадара Назаркулы Шакулыевіча рэктар Ірына Кітурка адзначыла падабенства ў менталітэце беларускага і туркменскага народаў.
Аб стратэгіі дэвізу Туркменістана 2026 года – «Незалежны нейтральны Туркменістан – радзіма мэтанакіраваных крылатых скакуноў» расказаў першы сакратар Амбасады Туркменістана ў Рэспубліцы Беларусь Ачылаў Мыратхан.
– Паспяхова рэалізуемая пад кіраўніцтвам паважанага Прэзідэнта Туркменістана Сердара Бердымухамедава палітыка адчыненых дзвярэй і шырокага міжнароднага супрацоўніцтва пад дэвізам 2026 года «Незалежны нейтральны Туркменістан – радзіма мэтанакіраваных крылатых скакуноў» знаходзіць яркае мерапрыемства ў провадных місіях і кіраўніцтве. Праводзімыя палітычныя кансультацыі, дзелавыя перамовы ў аднабаковым і шматбаковым фармаце, міжнародныя форумы сведчаць пра рост аўтарытэту Айчыны на сусветнай арэне, – падкрэсліў Ачылаў Мыратхан. – Сімволіка цяперашняга дэвізу абумоўлена не толькі гістарычнай прыхільнасцю народа да сваіх каранёў, але і аб'ектыўным рэаліям сучаснасці. Назва года служыць прамой праекцыяй тых высокіх тэмпаў, якія былі зададзены ў 2025 годзе ў рамках рэалізацыі дзяржаўных праграм.
На сустрэчы Надзвычайны і Паўнамоцны Пасол Туркменістана ў Рэспубліцы Беларусь Назаркулы Шакулыеў яшчэ раз нагадаў купалаўцам аб правілах пражывання ў краіне, а таксама аб неабходнасці іх выканання. Акрамя таго, усе ахвочыя змаглі задаць пытанні. Студэнтаў цікавілі пытанні арганізацыі паездак на радзіму падчас канікулаў, магчымасці ўдзелу ў праграме ўключанага навучання за мяжой, грашовыя пераводы і многія іншыя.
Сустрэча завяршылася выступленнем студэнтаў з Туркменістана з творчымі нумарамі. У сваю чаргу Надзвычайны і Паўнамоцны Пасол Туркменістана ў Рэспубліцы Беларусь Назаркулы Шакулыеў прачытаў уласны паэтычны твор, які прысвечаны яго Радзіме – Туркменістану.
Далей для дэлегацыі Пасольства Туркменістана ў Рэспубліцы Беларусь на чале з Надзвычайным і Паўнамоцным Паслом Туркменістана ў Рэспубліцы Беларусь Назаркулы Шакулыевым правялі аглядную экскурсію па ўніверсітэце і горадзе Гродна.
Гродзенскі дзяржаўны ўніверсітэт імя Янкі Купалы