Семінар «Кіраванне стрэсам» – гэта эфектыўны псіхатрэнінг, распрацаваны факультэтам псіхалогіі Купалаўскага ўніверсітэта. Асноўная мэта практыка-арыентаванага мерапрыемства - фарміраванне кампетэнцый у галіне кіравання стрэсам.

Загадчык кафедры ўзроставай і педагагічнай псіхалогіі, кандыдат псіхалагічных навук Лілія Даўкша правяла трэнінг з удзельнікамі, прапаноўваючы ім практычныя практыкаванні, рэалістычныя задачы і рэальныя сітуацыі, у якіх могуць узнікнуць стрэсавыя сітуацыі.

Дзякуючы такому падыходу слухачы змаглі палепшыць навыкі кіравання стрэсам, а таксама праверыць здольнасць захавання псіхалагічнай раўнавагі ў прафесійнай дзейнасці, павысіць навык эфектыўнай камунікацыі, канструктыўнага вырашэння канфлікту.

- Удзельнікі практыка-арыентаванага семінара пазнаёміліся з простымі, але дзейснымі спосабамі кіравання сваёй трывогай, што дазволіць яе паменшыць або перанакіраваць. У рамках семінара былі разгледжаны эфектыўныя стратэгіі камунікацыі і спосабы канструктыўнага вырашэння канфліктаў. Набытыя кампетэнцыі дазволяць слухачам павысіць уласны ўзровень псіхалагічнай культуры і прафесіяналізму, - расказала кандыдат псіхалагічных навук, дацэнт ГрДУ імя Янкі Купалы Лілія Даўкша.

У ходзе інтэнсіву ўдзельнікі актыўна абмяркоўвалі варыянты вырашэння праблемных сітуацый у дзелавым асяроддзі. Лілія Мар'янаўна адразу ж адказвала на ўсе пытанні і старалася дапамагчы кожнаму слухачу знайсці індывідуальныя рашэнні.

Удзельнікі атрымалі каштоўныя веды і практычныя навыкі, а таксама сертыфікаты праходжання практыка-арыентаванага семінара Купалаўскага ўніверсітэта.