Чатыры каманды Купалаўскага ўніверсітэта паспяхова выступілі ў камандным чэмпіянаце па праграмаванні сярод устаноў вышэйшай адукацыі Беларусі і Балтыі.
Чвэрцьфінальныя спаборніцтвы студэнцкага чэмпіянату свету па праграмаванні ICPC - International Collegiate Programming Contest адбыліся 14 лістапада ў анлайн-фармаце. Усяго ў афіцыйным заліку Чэмпіянату-2021 прынялі ўдзел 59 каманд з 15 універсітэтаў Беларусі і Балтыі.
Каманда нашага ўніверсітэта ў складзе студэнта 3 курса факультэта эканомікі і кіравання Уладзілена Лакцевіча, студэнта 4 курса факультэта інфарматыкі і матэматыкі Юрыя Сарасека і магістранта 1 года навучання Мікалая Ігнаценкі годна сябе паказала пад кіраўніцтвам трэнера Юрыя Сцёпіна, старшага выкладчыка кафедры матэматычнага і інфармацыйнага забеспячэння эканамічных эканомікі і кіравання.
Рабяты заваявалі дыплом другой ступені і зноў пацвердзілі, што ГрДУ імя Янкі Купалы з'яўляецца лепшым рэгіянальным універсітэтам Беларусі. Яны будуць прадстаўляць наш універсітэт на наступным этапе спаборніцтваў міжнароднага ўзроўню - фінале студэнцкага Чэмпіянату па праграмаванні Паўночнай Еўразіі (паўфінале ICPC). Ён адбудзецца ў лютым 2022 года. Арганізатарам выступіць Санкт-Пецярбургскі нацыянальны даследчы ўніверсітэт інфармацыйных тэхналогій, механікі і оптыкі.
