У рамках візіту студэнты факультэта эканомікі і кіравання спецыяльнасцяў «Эканоміка і кіраванне на прадпрыемстве», «Сусветная эканоміка», а таксама магістранты спецыяльнасці «Эканоміка і кіраванне народнай гаспадаркай» прынялі ўдзел у круглым стале на тэму «Лічбавая трансфармацыя і блокчэйн тэхналогіі» з прафесарам Бадэн -Вюртэнбергскага дзяржаўнага ўніверсітэта (Германія) Юргенам Сайзам. У ходзе абмеркавання з замежным спецыялістам праблемных пытанняў у галіне глабальных тэндэнцый інавацыйнага развіцця, адбылася актыўная дыскусія, на якой удзельнікі круглага стала мелі магчымасць задаць пытанні і выказаць сваё меркаванне.

Акрамя таго на факультэце эканомікі і кіравання адбыліся рабочыя сустрэчы прафесара Юргена Сайза з кіраўніцтвам факультэта эканомікі і кіравання, прадстаўнікамі цэнтра трансферу тэхналогій, сектара міжнароднай праектнай дзейнасці ГрДУ імя Янкі Купалы і выкладчыкамі кафедры эканомікі і кіравання на прадпрыемстве, падчас якіх абмяркоўваліся магчымасці і перспектывы супрацоўніцтва у форме сумеснага ўдзелу ў міжнародных праектах, актывізацыі акадэмічнай мабільнасці студэнтаў і выкладчыкаў двух універсітэтаў.