На працягу 5 дзён студэнтаў Купалаўскага ўніверсітэта чакала насычаная праграма. Для слухачоў курсаў былі арганізаваны як педагагічныя інтэнсівы, так і гульнявыя трэнінгі, майстар-класы і экскурсіі.

Падчас тыднёвага навучання камандзіры і камісары змаглі ўзяць удзел у інтэлектуальным квізе, які прайшоў на базе Інфармацыйнага цэнтра па атамнай энергіі.

Акрамя таго, камандныя склады педагагічных атрадаў Купалаўскага ўніверсітэта наведалі музей Рэспубліканскага дома моладзі "Гісторыя Беларускіх студэнцкіх атрадаў", дзе даведаліся, як правільна афармляць дакументацыю студэнцкага атрада для ўдзелу ў Рэспубліканскім конкурсе "Працоўны семестр".

Пасля завяршэння курсаў усе слухачы атрымалі сертыфікаты і бясцэнны вопыт, які змогуць перадаць байцам сваіх студэнцкіх педагагічных атрадаў.