Яе ўдзельнікамі сталі 65 студэнтаў і слухачоў курсаў, якія вывучаюць кітайскую мову. Лінгвістычнае спаборніцтва праходзіла ў тры этапы: аўдзіраванне, лексіка-граматычнае заданне і вуснае выказванне на зададзеную тэму. Журы ацэньвала агульны ўзровень валодання кітайскай мовай і навыкамі каліграфіі, здольнасць пазнаваць і разумець асноўныя лексіка-граматычныя адзінкі кітайскай мовы, правілы лексічнай спалучальнасці. Акрамя таго, удзельнікам алімпіяды дэманстравалі ўжыванне лексічных і граматычных сродкаў мовы ў вуснай мове, выкарыстанне сродкаў забеспячэння звязнасці і цэласнасці тэксту, а таксама здольнасць будаваць свае міжкультурныя зносіны на аснове ведаў культуры кітайскага народа, яго традыцый і звычаяў.

Паводле ацэнак журы лепшымі знаўцамі кітайскай мовы сталі студэнткі факультэта гісторыі, камунікацыі і турызму: студэнткі 3 курса Анастасія Цывінская і Вераніка Дробыш, а таксама студэнтка 4 курса Валерыя Літвін.

Пераможцы агульнауніверсітэцкай алімпіяды прадставяць ГрДУ імя Янкі Купалы на II Беларускай рэспубліканскай студэнцкай алімпіядзе па кітайскай мове 4-5 красавіка 2019 г. на базе Рэспубліканскага інстытута кітаязнаўства імя Канфуцыя БДУ. Удзельнікам трэба будзе выканаць пісьмовую працу, якая ўключае заданні па іерогліфіке, лексіцы і граматыцы кітайскай мовы, прайсці вуснае субяседванне па тэмах, вызначаных журы, і ўключае чытанне і разуменне прачытанага, а таксама гутарку з членамі журы па зададзенай тэме.