Іх удзельнікамі стануць каманды з Бельгіі, Літвы, Беларусі і розных рэгіёнаў Расіі. На базе кафедры матэматычнага і інфармацыйнага забеспячэння эканамічных сістэм факультэта эканомікі і кіравання ГрДУ імя Янкі Купалы зборы другі год запар арганізуе Цэнтр развіцця IT-адукацыі Маскоўскага фізіка-тэхнічнага інстытута. Адначасова зборы пройдуць таксама ў Далёкаўсходнім федэральным універсітэце ва Уладзівастоку.
На працягу 8 дзён студэнцкія каманды, як вопытныя, так і пачаткоўцы ў свеце спартыўнага праграміравання, будуць праходзіць інтэнсіўную праграму падрыхтоўкі пад кіраўніцтвам фіналістаў ICPC і выкладчыкаў вядучых універсітэтаў Расіі - МФТІ, ДВФУ, Універсітэта ІЦМА, СПБДУ, СДУ і Гродзенскага дзяржаўнага ўніверсітэта імя Янкі Купалы. У залежнасці ад узроўню падрыхтоўкі каманды падзеляць па дывізіёнах: навучанне ў больш складаным дывізіёне B праводзіцца на англійскай мове, у дывізіёне C - на рускай. Інфармацыя аб ходзе збораў будзе размяшчацца на Інтэрнэт-старонцы www.grsu.by/acm2018.
Варта адзначыць, што факультэт эканомікі і кіравання ГрДУ імя Янкі рэгулярна арганізуе летнія школы па шырокаму колу накірункаў: фарміраванне вопыту ўдзелу ў чэмпіянатах свету па праграміраванні, развіццё ва ўдзельнікаў ІТ-кампетэнцый, фарміраванне новых прафесійных ведаў па лічбавай эканоміцы, інтэграцыйным працэсам у эканоміцы. Дэкан факультэта эканомікі і кіравання Марына Карпіцкая падкрэсліла, што арганізацыя такога адукацыйнага праекта з'яўляецца вынікам міжнароднага супрацоўніцтва факультэта з вядучымі еўрапейскімі ўніверсітэтамі і элементам інтэграцыі ў сусветную адукацыйную прастору ў рамках выканання праграм міжнароднай тэхнічнай дапамогі і правядзення акадэмічнай мабільнасці.
Па словах прарэктара па міжнародных праграмах і тэхналагічным прадпрымальніцтву МФТІ, заснавальніка і кіраўніка Moscow Workshops ICPC Аляксея Малеева, Moscow Workshops ICPC - унікальны міжнародны адукацыйны праект у галіне спартыўнага праграміравання з расійскімі каранямі, які не мае параўнальных па маштабе аналагаў у свеце. Выбітныя вынікі расійскіх студэнтаў на чэмпіянаце свету па спартыўным праграміраванні ICPC даказваюць, што сістэматычная падрыхтоўка прыносіць свой плён - з 2000 года яны займалі абсалютныя першыя месцы на ICPC 13 разоў. Трэніруючыся адзін з адным, студэнты абменьваюцца вопытам, завязваюць першыя прафесійныя кантакты і павышаюць як свой узровень, так і ў перспектыве - узровень IT-індустрыі ў цэлым.
Даведачна: пад эгідай Moscow Workshops ICPC у год праводзіцца 6 мерапрыемстваў. Акрамя Уладзівастока і Гродна, зборы праводзяцца на базе ўніверсітэта Harbour Space (Барселона, Іспанія), універсітэта «Амрыта» (Калам, Індыя) і два на кампусе МФТІ ў Маскоўскай вобласці. У зборах ўжо прынялі ўдзел больш за 1600 студэнтаў з 167 ВНУ 50 краін. Удзельнікі мінулых збораў Moscow Workshops ICPC ў фінале ICPC 2018 года заваявалі 10 з 13 медалёў.