Ад імя рэктара Андрэя Караля гасцей павітала першы прарэктар Ірына Кітурка, адзначыўшы пры гэтым, што супрацоўніцтва двх універсітэтаў з'яўляецца даволі працяглым. Ірына Фёдараўна выказала надзею, што цяперашняя сустрэча ўдыхне новае жыццё ў падпісаны на 2015-2020 гады двухбаковы дагавор.

Словы падзякі за цёплы прыём выказаў сакратар партыйнага камітэта Чэнь Кэгун. Госць падкрэсліў, што Місіі купалаўскага ўніверсітэта і Паўночна-Заходняга педагагічнага ўніверсітэта вельмі блізкія, так як іх асноўная мэта - раскрыць патэнцыял студэнта.

– Універсітэт павінен быць цэнтрам развіцця, па-першае, самога студэнта, па-другое, навучання, а, па-трэцяе, адукацыі. Так, развіццё студэнтаў дапамагае ім хутчэй інтэгравацца ў грамадства, асвоіцца як спецыялістам, праводзіць новыя навуковыя даследаванні і ўдасканальвацца, - распавёў Чэнг Кэгун. - У Кітаі зараз пільная ўвага звернута да развіцця адукацыі, і пашырэнне міжнародных адносін паміж універсітэтамі гэтаму толькі спрыяе.

На сустрэчы кітайскі бок прапанаваў сумесна з Гродзенскім дзяржаўным універсітэтам імя Янкі Купалы падаць заяўку на атрыманне гранта ад навуковага фонду Кітая, якая дазволіць беларускаму ўніверсітэту набыць новы вопыт і атрымаць дадатковыя гранты, а кітайскаму - узмацніць напрамак навуковых распрацовак. Для гэтага неабходны абмен супрацоўнікамі, якія маглі б якасна падрыхтаваць заяўку.

Таксама госці запрасілі прадстаўнікоў купалаўскага ўніверсітэта прыняць удзел у форуме, дзе будуць прадстаўлены 47 устаноў вышэйшай адукацыі Кітая. Мерапрыемства будзе прысвечана развіццю супрацоўніцтва паміж універсітэтамі дзвюх краін у рамках ініцыятывы «Адзін пояс - адзін шлях». Дадзены форум, на думку сакратара партыйнага камітэта Паўночна-Заходняга педагагічнага ўніверсітэта, дапаможа наладзіць узаемадзеянне ў галіне навуковых распрацовак і акадэмічнай мабільнасці супрацоўнікаў, выкладчыкаў і студэнтаў. Дарэчы, у рамках сустрэчы калегам з Кітая прапанавалі накіраваць у ГрДУ імя Янкі Купалы двух прафесараў па праграме «Запрошаны прафесар» для чытання лекцый і правядзення семінараў. Прарэктар па вучэбнай працы Юрый Бялых распавёў пра магчымасць арганізаваць падрыхтоўку студэнтаў па схеме «2 + 2», калі студэнты два гады будуць навучацца ў родным універсітэце, а два - у ГрДУ імя Янкі Купалы. Выпуск з універсітэта, студэнты атрымаюць дыпломы аб заканчэнні двух устаноў вышэйшай адукацыі - кітайскай і беларускай.

Асабліва важным і цікавым, як адзначылі прадстаўнікі Паўночна-Заходняга педагагічнага ўніверсітэта, для іх з'яўляецца супрацоўніцтва ў галіне інжынерных тэхналогій і іх развіццё. Сярод прыярытэтных абласцей будучага ўзаемадзеяння - выкладанне рускай мовы.

– Мы б хацелі запрасіць выкладчыкаў ГрДУ імя Янкі Купалы да нас, каб пераняць у іх вопыт у выкладанні рускай мовы як замежнай, - дадаў Чэнг Кэгун. - Магчыма накіраванне кітайскіх студэнтаў на навучанне ў купалаўскі ўніверсітэт з мэтай вывучэння рускай мовы.

У сваю чаргу прарэктар па вучэбнай працы Юрый Белых прапанаваў кітайскім студэнтам прыняць удзел у Летняй школе рускай мовы, якая штогод праводзіцца ў купалаўскім універсітэце. Таксама распавёў, што вывучэнне рускай як замежнай магчыма на двух факультэтах - давузаўскай падрыхтоўкі і філалагічным.

У завяршэнні сустрэчы бакі дамовіліся прыступіць да рэалізацыі намечаных планаў, якія дапамогуць умацаваць партнёрскія адносіны паміж універсітэтамі.