Студэнты Гродзенскага дзяржаўнага ўніверсітэта імя Янкі Купалы сталі стыпендыятамі Прэзідэнта Рэспублікі Беларусь. Па выніках рашэння спецыяльнага фонду па падтрымцы таленавітай моладзі, зацверджанага распараджэннем Кіраўніка дзяржавы ад 20 ліпеня, узнагароды ўдастоены прадстаўнікі філалагічнага факультэта і факультэта гісторыі, камунікацыі і турызму.Стыпендыі Прэзідэнта былі прысуджаны 197 студэнтам вышэйшых навучальных устаноў усёй Беларусі, у тым ліку пяці студэнтам ГрДУ імя Янкі Купалы. У іх лік увайшлі студэнтка чацвёртага курса факультэта гісторыі, камунікацыі і турызму Дар'я Бакшук, выпускніца факультэта гісторыі, камунікацыі і турызму Дзіна Мількевіч, студэнтка чацвёртага курса факультэта гісторыі, камунікацыі і турызму Варвара Сенчанкава і студэнткі чацвёртага курса філалагічнага факультэта Ніна Хілько і Ратна Халадцова.
Таксама гранд-прэмій з прысваеннем звання лаўрэата спецыяльнага фонду былі ўдастоены 29 пераможцаў міжнародных алімпіяд, конкурсаў і фестываляў. У іх лік увайшлі купалаўцы – пераможцы Міжнароднай студэнцкай алімпіяды ў галіне інфарматыкі і праграмавання: тры студэнты чацвёртага курса факультэта матэматыкі і інфарматыкі – Аляксандр Малышка, Ягор Цыбін і Глеб Выскварка.
Віншуем купалаўцаў і жадаем ім далейшых поспехаў!