17 ліпеня завяршаецца прыём дакументаў ад абітурыентаў, якія паступаюць на ўсе формы атрымання вышэйшай адукацыі за кошт сродкаў бюджэту, а таксама на платную форму навучання на спецыяльнасці, па якіх праводзяцца ўступныя іспыты. Для тых, хто паступае на ваенны факультэт, тэрмін падачы дакументаў працягнецца да 19 ліпеня.За 5 дзён працы прыёмнай кампаніі ў Купалаўскі ўніверсітэт падалі дакументы 2684 абітурыенты: на дзённую форму - 1914, на завочную - 102, на завочную скарочаную - 639, звыш лічбаў прыёму - 29.
ПрПрыёмная кампанія набірае абароты. Сваімі чаканнямі падзялілася Марыя Лемеш, выпускніца Гуманітарнага каледжа ГрДУ імя Янкі Купалы: «Я паступаю ў Купалаўскі ўніверсітэт, бо мне спадабалася вучыцца ў каледжы гэтага ўніверсітэта. Хацелася б прадоўжыць навучанне ў гэтай установе адукацыі. Я выбрала філалагічны факультэт, бо веданне мовы вельмі важнае: трэба размаўляць прыгожа і ўпэўнена».
Унутраныя ўступныя іспыты пройдуць з 18 па 25 ліпеня. Азнаёміцца з раскладам іспытаў і часам яўкі можна ў Лічбавым кабінеце абітурыента.
Прыём дакументаў на платную форму навучання, у тым ліку для атрымання другой вышэйшай адукацыі, працягнецца да 1 жніўня.
Важна!Падрабязную інфармацыю аб прыёмнай кампаніі, пераліку спецыяльнасцей, тэрмінах падачы дакументаў і графіку ўступных іспытаў можна атрымаць на афіцыйным сайце, у прыёмнай камісіі ГрДУ імя Янкі Купалы па адрасе вул. Леніна, 32, а таксама па тэлефонах: +375 (152) 67-01-01, МТС +375 (33) 35 44 500, Life +375 (25) 77 44 500.
