У 2026 годзе на 28 месц, выдзеленых у рамках квоты для паступлення пераможцаў універсітэцкай алімпіяды, падалі дакументы 58 абітурыентаў. Больш за ўсё дакументаў пададзена па спецыяльнасцях «Гісторыя», групе спецыяльнасцей »Сучасныя замежныя мовы» і »Рамана-германская філалогія (англійская)», а таксама групе спецыяльнасцей «Біялогія», «Экалогія» і «Фундаментальная і прыкладная біятэхналогія».

Залічэнне пераможцаў універсітэцкай алімпіяды ў лік студэнтаў адбудзецца 2 ліпеня ў 15.00. Інфармацыя аб залічэнні з'явіцца ў Лічбавым кабінеце абітурыента.

Для ўдзелу ў конкурсе на ўмовах мэтавай падрыхтоўкі быў прыняты 351 пакет дакумэнтаў. Лідэрамі па колькасці заяў сталі спецыяльнасці «Правазнаўства», «Адукацыя ў галіне фізічнай культуры», «Пачатковая адукацыя», «Электраэнергетыка і электратэхніка», «Гісторыя», «Мытная справа» і «Рамана-германская філалогія (англійская)». Самы высокі конкурс сфарміраваўся па спецыяльнасцях «Архітэктура», «Правазнаўства», «Сучасныя замежныя мовы», «Электраэнергетыка і электратэхніка» і «Транспартная лагістыка».

Сярод абітурыентаў-мэтавікоў 41 чалавек прэтэндуе на паступленне без уступных іспытаў. З іх: 7 абітурыентаў маюць атэстат аб агульнай сярэдняй адукацыі асаблівага ўзору з узнагароджаннем залатым (сярэбраным медалём), 1 абітурыент з дыпломам заключнага этапа Рэспубліканскай алімпіяды і 1 абітурыент з дыпломам III (абласнога) этапа Рэспубліканскай алімпіяды, 8 абітурыентаў - пераможцы Шматпрофільнай універсітэцкай алімпіяды, 24 з'яўляюцца выпускнікамі класаў (груп) профільнай накіраванасці.

Прыём дакументаў для ўдзелу ў конкурсе на ўмовах мэтавай падрыхтоўкі завершыцца 2 ліпеня а 18:00. Уступныя іспыты для абітурыентаў-мэтавікоў у адпаведнасці з раскладам пройдуць 6, 7, і 8 ліпеня.

З пытаннямі да ўступных іспытаў для атрымання вышэйшай адукацыі на ўмовах мэтавай падрыхтоўкі можна азнаёміцца ​​на сайце «Абітурыент-2026» (abit.by) у раздзеле «Уступныя іспыты і кансультацыі». Для атрымання паглыбленай вышэйшай адукацыі дакументы падалі 28 абітурыентаў. Прыём дакументаў у магістратуру працягнецца да 5 ліпеня (3 ліпеня – выходны).

Даведачна: згодна з планам мэтавага набору, Купалаўскі ўніверсітэт набірае на першы курс 201 абітурыента з накіраваннем ад арганізацыі-заказчыка і 28 пераможцаў універсітэцкай алімпіяды.

Па ўсіх пытаннях паступлення ў ГрДУ імя Янкі Купалы можна звярнуцца на гарачую лінію: 8 (0152) 67-01-01 у буднія дні з 9:00 да 17:00, а таксама задаць пытанні ў Лічбавым кабінеце абітурыента (abit.by).