Мэтай конкурсу з'яўляецца не толькі распрацоўка талісмана пярвічнай арганізацыі ГА «БРСМ», але і ўмацаванне карпаратыўных каштоўнасцей універсітэта, развіццё творчых здольнасцей студэнтаў.

Конкурс пройдзе ў чатыры этапы. Прыём работ пачынаецца 20 студзеня і працягнецца да 8 сакавіка. Пасля адбору конкурсных работ пачнецца галасаванне. Фінальны этап, у рамках якога абяруць пераможцаў і лаўрэатаў конкурсу, пройдзе не пазней за 1 красавіка.

Каб узяць удзел, неабходна накіраваць на электронную пошту brsm@grsu.by ліст пад тэмай «Конкурс» з заяўкай на ўдзел, конкурснай працай і тлумачальнай запіскай, якая раскрывае творчую ідэю. Праца павінна быць прадстаўлена ў электроннай форме ў выглядзе завершанага каляровага малюнка, выкананага ў любой тэхніцы, у тым ліку кампутарную графіку. Колькасць заявак на ўдзел ад аднаго ўдзельніка не абмежавана.

Палажэнне аб конкурсе з больш падрабязнай інфармацыяй і формай заяўкі на ўдзел можна знайсці па спасылцы.

Запрашаем купалаўцаў прадэманстраваць свае творчыя ідэі!