Рэктар ГрДУ імя Янкі Купалы Ірына Кітурка і студэнтка 2 курса факультэта гісторыі, камунікацыі і турызму Анастасія Кісель - дэлегаты Усебеларускага народнага сходу. Таксама купалаўцы глядзяць трансляцыю ў карпусах універсітэта ў межах інфармацыйных гадзін.

На пасяджэнні будуць разглядацца як арганізацыйныя пытанні, звязаныя з работай самога УНС, так і важныя для краіны дакументы.

Усебеларускі народны сход праводзіцца ў Беларусі з 1996 года. Тады, у цяжкі для краіны час вострай палітычнай барацьбы і сацыяльна-эканамічнай бязладзіцы, Прэзідэнт Аляксандр Лукашэнка звярнуўся за падтрымкай да народа, склікаўшы першае ВНС. Прынятыя на тым сходзе, а праз месяц і на рэферэндуме рашэнні сфарміравалі палітычнае аблічча сучаснай Беларусі, мадэрнізавалі структуру ўлады, задалі дакладныя арыенціры ў развіцці краіны.

З таго часу стала традыцыяй раз на пяць гадоў праводзіць ВНС, на якім пры шырокім удзеле прадстаўнікоў улады і грамадства разглядаліся стратэгічныя пытанні ў жыцці краіны. Падобныя народныя форумы адбыліся таксама ў 2001, 2006, 2010, 2016, 2021 гадах.

Цяпер УНС - гэта вышэйшы прадстаўнічы орган народаўладдзя Рэспублікі Беларусь, які вызначае стратэгічныя напрамкі развіцця грамадства і дзяржавы, забяспечвае непахіснасць канстытуцыйнага ладу, пераемнасць пакаленняў і грамадзянскую згоду. Іншымі словамі, гэта калектыўны розум, закліканы выбіраць аптымальны варыянт развіцця краіны, стабілізаваць грамадства на ўсіх этапах яго развіцця і здзяйсняць сур'ёзны народны канстытуцыйны кантроль над усімі працэсамі ў краіне.

Далучайцеся да трансляцыі найважнейшай палітычнай падзеі.