Сярод удзельнікаў сустрэчы студэнты, магістранты, аспіранты, выкладчыкі, вядучыя спецыялісты вышэйшых навучальных устаноў горада Гродна - ГрДУ імя Янкі Купалы, ГрДМУ, ГДАУ.

З прывітальным словам да ўдзельнікаў сустрэчы звярнуўся першы прарэктар ГрДУ імя Янкі Купалы Аляксандр Карэўскі. Ён падкрэсліў, што мы жывем у перыяд перамен і выклікаў, і аналітычнае мысленне, творчы падыход і гатоўнасць да дыялога і супрацоўніцтва адыгрываюць ключавую ролю ў пошуку аптымальных рашэнняў для нашай краіны.

Дырэктар БІСД Алег Макараў падкрэсліў важнасць дзейнасці арганізацыі, якая з'яўляецца свайго роду «фабрыкай думкі». Гэта значыць, што БІСД імкнецца да пастаяннага развіцця і генерацыі новых ідэй, аналітычных падыходаў і канцэпцый, якія садзейнічаюць развіццю грамадства і краіны ў цэлым. Арганізацыя збірае вакол сябе яркія розумы, экспертаў і спецыялістаў розных абласцей, каб сумесна працаваць над актуальнымі пытаннямі і прапаноўваць новыя падыходы да іх вырашэння.

Дыскусійная пляцоўка «Будучыня Беларусі: маладзёжны аналітычны рух» стала месцам актыўнага абмену ідэямі, аналізу сучаснай палітычнай сітуацыі і пошуку шляхоў развіцця краіны.

У рамках сустрэчы аналітык БІСД Яўген Харук пазнаёміў слухачоў з правіламі і ўмовамі правядзення Рэспубліканскага конкурсу маладзёжных аналітычных праектаў (даследаванняў). Конкурс - унікальная магчымасць далучыцца да працы новага моладзевага аналітычнага руху БІСД.

Спікер адзначыў, што лепшыя ўдзельнікі і праектныя каманды будуць запрошаны да работы маладзёжных аналітычных клубаў пры аддзяленнях БІСД, атрымаюць магчымасць удзельнічаць у адукацыйных і экспертных мерапрыемствах інстытута.

Падчас інтэрактыўнай дыскусіі спікеры і ўдзельнікі звярнуліся да розных пытанняў: якімі аналітычнымі кампетэнцыямі хоча валодаць моладзь, якія формы грамадскай працы прыцягваюць беларускую моладзь, для чаго патрэбная аналітыка. Удзельнікі пляцоўкі мелі магчымасць выказаць свае меркаванні, падзяліцца сваімі назіраннямі і абмеркаваць актуальныя праблемы.

– Гэтая дыскусійная пляцоўка стала для мяне не толькі месцам абмену меркаваннямі, але і крыніцай натхнення для далейшых даследаванняў і працы над праектамі, накіраванымі на стварэнне лепшай будучыні для Беларусі. Мы абмяркоўвалі важныя тэмы, такія як эканамічнае развіццё, адукацыя, маладзёжная палітыка і шмат іншага. Я пераканалася ў тым, што моладзь сапраўды мае магчымасць змяніць краіну ў лепшы бок, - падзялілася студэнтка 2 курса філалагічнага факультэта ГрДУ імя Янкі Купалы Вераніка Кавальчук.

Мерапрыемства стала важным крокам на шляху развіцця моладзевага аналітычнага руху ў Беларусі і стварэння плённай платформы для абмеркавання і вырашэння ключавых пытанняў краіны.