Алімпіяда праводзіцца па ініцыятыве кафедры педагогікі і псіхалогіі, а таксама Навукова-метадычнага цэнтра суправаджэння педагагічных работнікаў Алтайскага дзяржаўнага гуманітарна-педагагічнага ўніверсітэта імя В.М.Шукшына.У алімпіядзе прынялі ўдзел 39 каманд з 30 ВНУ Расійскай Федэрацыі і краін СНД, сярод удзельнікаў была і каманда купалаўцаў - «Педагогі in Psychology». У яе склад увайшлі студэнты 3 курса педагагічнага факультэта Дзмітрый Варган, Яна Вайтовіч, Карына Ташматава, Мікіта Хмяльніцкі, Аляксандра Шумец. Кіраўніком каманды выступіла Алена Бэкман, намеснік дэкана педагагічнага факультэта.
Купалаўцы атрымалі перамогу ў першым туры «Візітоўка каманды» і па выніках некалькіх тураў - у намінацыі «Псіхалагічная кампетэнтнасць».
Конкурсныя заданні ўключалі 4 туры: конкурс прэзентацый «Візітоўка каманды», тэсціраванне «Псіхалагічная кампетэнтнасць», квіз-характарыстыка псіхалагічных тэхнік эфектыўнай прафілактыкі эмацыйнага выгарання педагога «Скарбонка псіхалагічных лайфхакаў», конкурс відэаролікаў «Выкарыстоўваем скарбонку псіхалагічных лайфхакаў».
Жадаем купалаўцам далейшых поспехаў і перамог на міжнароднай навуковай ніве!