Так, у рамках мерапрыемства член камітэта ВА/РК ГА «БРСМ», студэнт 2 курса факультэта матэматыкі і інфарматыкі Яўген Валянцінавіч, старшыня цэхавай прафсаюзнай арганізацыі інжынерна-будаўнічага факультэта, студэнт 3 курса інжынерна-будаўнічага факультэта Павел Джангіраў і намеснік старшыні Студэнцкай рады ўніверсітэта, студэнтка 4 курса педагагічнага факультэта Ксенія Бакач правялі пятніцу з рэктарам Кулалаўскага ўніверсітэта Ірынай Кітурка. Адзначым, што хлопцы актыўна праяўляюць сябе ва ўніверсітэцкім жыцці.

Раніца пачалася са студэнцкай віншавальнай акцыі. Пасля чаго рэктар і студэнты абмеркавалі працоўны графік, распланавалі дзень і правялі працу над карэспандэнцыяй.

Рэктар з прадстаўнікамі студэнцкага актыву наведала навуковую канферэнцыю "Рэспубліканскія Купалаўскія чытанні". Ірына Кітурка падкрэсліла важнасць падтрымкі навуковых даследаванняў сярод маладых вучоных. Канферэнцыя стала яркай падзеяй навуковага жыцця ўніверсітэта, аб'яднаўшы прадстаўнікоў розных навуковых школ і студэнтаў-даследчыкаў. Мерапрыемства адкрыла новыя магчымасці для далейшага развіцця навуковых даследаванняў у нашым універсітэце.

Сёння, у рамках Тыдня студэнцкага супраўлення, у Каложскай царкве святых Барыса і Глеба быў праведзены малебен. Дзесяткі студэнтаў сабраліся ў царкве, каб памаліцца аб дапамозе і падтрымцы ў вучобе. Падчас малебна святар благаславіў купалаўцаў і пажадаў ім сілы і цярпення ў вучобе, веры і надзеі на будучыню. Спевы царкоўнага хору напоўнілі царкву ўрачыстай і прасвяднай атмасферай.

У абед пачалася салодкая частка дня з рэктарам - адбылася акцыя "Святочны торт", дзе ўсе жадаючыя маглі пачаставацца прысмакамі. А пасля добрага абеду ў прыемнай кампаніі студэнты і рэктар ізноў вярнуліся да працы.

Ірына Кітурка сустрэлася з прадстаўнікамі студэнцкага актыву Купалаўскага ўніверсітэта. Мерапрыемства "Студэнцкія ініцыятывы універсітэту" аб'яднала студэнтаў розных факультэтаў і напрамкаў навучання для абмеркавання розных пытанняў, якія датычацца паляпшэння ўмоў навучання і жыцця на кампусе.

У ходзе сустрэчы былі абмеркаваны розныя ініцыятывы, прапанаваныя студэнтамі. Студэнты выказалі свае ідэі, а рэктарка выслухала іх з вялікай увагай. Было прынята рашэнне стварыць працоўныя групы, у якіх студэнты змогуць актыўна ўдзельнічаць у распрацоўцы і рэалізацыі канкрэтных праектаў па паляпшэнні ўмоў навучання. Таксама было абяцана правесці рэгулярныя сустрэчы паміж студэнтамі і кіраўніцтвам універсітэта для абмеркавання бягучых пытанняў і планавання будучых мерапрыемстваў. Гэтая сустрэча стала важным крокам да ўсталявання больш цеснага ўзаемадзеяння паміж студэнтамі і адміністрацыяй універсітэта.

Дзень з рэктарам быў насычаным і прадуктыўным. У ходзе сустрэч і мерапрыемстваў былі абмеркаваны розныя аспекты працы ўніверсітэта. Рэктар прадэманстравала сваю гатоўнасць слухаць і падтрымліваць разнастайныя пункты гледжання, што спрыяе развіццю ўніверсітэта як цэнтра адукацыі, навукі і культуры.

Гэты дзень хлопцы правялі не толькі з Ірынай Фёдараўнай, але і з прарэктарамі і кіраўнікамі структурных падраздзяленняў Купалаўскага ўніверсітэта. Яны абмяркоўвалі навучальную дзейнасць, выхаваўчую працу, якая вядзецца ў alma-mater, прыдумлялі новыя мерапрыемствы і ўнеслі прапановы па ўдзеле ўніверсітэта ў маючых адбыцца гарадскіх акцыях. Навука таксама не засталася без увагі: удзельнікі Дня з кіраўніком пазнаёміліся з магчымасцямі развіцця студэнтаў у гэтым напрамку, каб потым падзяліцца імі з іншымі

Увечары купалаўцы сустрэнуцца на студэнцкай вечарынцы "Ноч alma-mater". На вечарынцы будуць музыка, танцы, конкурсы і розныя забаўляльныя мерапрыемствы. Гэта выдатны спосаб расслабіцца пасля вучобы, сустрэцца з сябрамі і проста добра правесці час.

Адзначым, што Дзень з кіраўнікамі структурных падраздзяленняў універсітэта стаў выдатнай магчымасцю для студэнтаў пашырыць свае гарызонты, даведацца больш аб рабоце ўніверсітэта і ўнесці свой уклад у яго развіццё. Такія мерапрыемствы спрыяюць фармаванню актыўнай грамадзянскай пазіцыі ў студэнтаў і дапамагаюць ім набываць каштоўны досвед удзелу ў кіраванні адукацыйным працэсам.