У ходзе курсаў "Універсітэт адукацыйных інавацый: лічбавая дыдактыка і ацэньванне вынікаў навучання" выкладчыкі вывучаць тэарэтычныя і практычныя аспекты лічбавай дыдактыкі, асвояць асноўныя лічбавыя інструменты платформы Moodle, пазнаёмяцца з метадычнымі прыёмамі правядзення заняткаў у лічбавым адукацыйным асяроддзі.У праграме курсаў два навучальныя модулі, іх змест прадставяць 8 мадэратараў з ліку выкладчыкаў універсітэта, якія маюць досвед выкарыстання лічбавых тэхналогій навучання і гатовыя падзяліцца дасягнутымі вынікамі з калегамі.
У першы дзень курсаў мадэратары Дар'я Шпак, начальнік вучэбна-метадычнага аддзела па кіраванні якасцю адукацыі, і Алег Каляга, загадчык лабараторыі адукацыйных інавацый, закранулі ключавыя аспекты лічбавай дыдактыкі, пазнаёмілі слухачоў з парадкам стварэння лічбавых вучэбна-метадычных комплексаў, прывялі канкрэтныя прыклады сертыфікацый. адказалі на шматлікія пытанні слухачоў курсаў.
У адпаведнасці зраскладам курсы будуць праходзіць два разы на тыдзень па чацвяргах і пятніцах у камп'ютарных класах навучальнага корпуса па вул. Ажэшкі, 22.