У рамках рэалізацыі дамовы аб супрацоўніцтве з Паўночна-Усходнім федэральным універсітэтам ім. М.К. Амосава дэкан факультэта фізічнай культуры Віталь Храмаў прыняў удзел у мерапрыемствах, прысвечаных 100-годдзю дзяржаўнага рэгулявання фізкультурнага руху ў Расіі.У рамках 100-гадовага юбілею адбыўся IX міжнародны навуковы кангрэс «Праблемы фізкультурнай адукацыі: змест, накіраванасць, методыка, арганізацыя», дзе з пленарным дакладам выступіў Віталь Храмаў. Ён прадставіў у рамках выступлення навукова-метадычныя асновы фарміравання лічбавага інфармацыйна-адукацыйнага асяроддзя фізкультурнай адукацыі.
У кангрэсе прынялі ўдзел звыш 600 чалавек з Беларусі, Расіі і Манголіі. Навукоўцы абмеркавалі развіццё навукі ў сферы фізічнай культуры і спорту і асаблівасці нарміравання рухальнай актыўнасці чалавека ў экстрэмальных умовах Арктыкі.
Купалавец таксама прачытаў адкрытую лекцыю для студэнтаў СВФУ аб методыцы навучання рухальным дзеянням з прымяненнем электронных дыдактычных сродкаў. Акрамя таго, Віталь Храмаў уключаны ў склад дысертацыйнага савета, адкрытага пры СВФУ, па спецыяльнасцях фізічнай культуры і спорту.
