Ужо ў гэтую нядзелю наша краіна адзначыць Дзень настаўніка. Традыцыйна ў ГрДУ імя Янкі Купалы напярэдадні ўрачыстасці праходзяць святочныя мерапрыемствы.Урачыстая абстаноўка запанавала ў карпусах універсітэта ўжо з самай раніцы. На факультэтах актывісты каардынацыйнага студэнцкага савета сумесна з першаснай прафсаюзнай арганізацыяй студэнтаў і БРСМ арганізавалі святочную акцыю. Валанцёры падрыхтавалі паштоўкі, салодкія пачастункі і цёплыя словы для любімых педагогаў.
А ў 15.00 у актавай зале па вуліцы Леніна адбудзецца святочны канцэрт да Дня настаўніка. Творчыя калектывы ўніверсітэта падораць свае лепшыя нумары. Прыходзьце! Уваход вольны.
