Паводле слоў рэктара ўніверсітэта Ірыны Кітуркі, дагавор аб супрацоўніцтве паміж Гродзенскім дзяржаўным універсітэтам імя Янкі Купалы і Гродзенскім абласным аб'яднаннем прафсаюзаў - гэта яшчэ адзін крок на шляху ўмацавання адносін у рамках сацыяльнага партнёрства.

- Разам з тым мы шукаем новыя формы працы, стараемся ісці па шляху інавацый, і мы ведаем, што такога пагаднення яшчэ няма нідзе ў рэспубліцы. Гэта будзе ўнікальная пляцоўка для моладзі, таму што ў рамках гэтага супрацоўніцтва мы будзем развіваць розныя напрамкі, - адзначыла Ірына Фёдараўна.

Форум дапамог паглыбіць супрацоўніцтва прафсаюзаў і ўніверсітэта. Падпісанне дагавора аб узаемадзеянні - гэта толькі пачатак доўгага шляху, які будуць праходзіць прадстаўнікі пярвічак. Наперадзе іх чакае плённая праца пад сцягам творчасці і прафесіяналізму.

- Прафсаюзы сёння маюць патрэбу ў спецыялістах у галіне права, псіхалогіі, журналістыкі, а нашы студэнты маюць патрэбу ў такіх вельмі цікавых і крэатыўных месцах практыкі. Яны хочуць прымяніць свае кампетэнцыі, каб гэта ішло на карысць і працавала на развіццё грамадства. Таму мы лічым, што гэтая наша дамова будзе садзейнічаць прафесійнаму развіццю і росту, умацоўваць сацыяльнае партнёрства, спрыяць грамадзянска-патрыятычнаму выхаванню моладзі, – адзначыла Ірына Кітурка.

У рабоце маладзёжнага злёту прынялі ўдзел каля 100 прадстаўнікоў маладзёжнага прафактыва Гродзенскай вобласці. Хлопцы размясціліся на базе турыстычнага комплексу "Пышкі", але фактычна не знаходзіліся на месцы - іх чакалі разнастайныя экскурсіі па Гродне, а таксама цікавыя лекцыі, трэнінгі, майстар-класы. У тым ліку, наведванне Купалаўскага ўніверсітэта, дзе змаглі пазнаёміцца з праектам «Грамадзянска-патрыятычны марафон «Разам за моцную і квітнеючую Беларусь».

Па матэрыялах «СБ. Беларусь сёння»