Тры каманды прадставілі Купалаўскі ўніверсітэт – «Якуб Колас», «Малінавая лада», «Змірыся і забі». Дзве каманды прыбылі з Гродзенскага дзяржаўнага медыцынскага ўніверсітэта - "У чым соль?", "Прыватная медыцынская арганізацыя". А таксама ўдзел прыняла каманда Тэхналагічнага каледжа - "Маршрутка нумар адзін". Запрошаным госцем стала каманда «Алені Губерта», чэмпіён Лігі КВЗ НХЛ.

Гумарыстычная баталія складалася з двух раундаў. У "Вітанні" гледачы змаглі пазнаёміцца з усімі ўдзельнікамі. Затым каманды чакала спаборніцтва "Сітуацыі", у якім прынялі ўдзел члены журы. Рабятам прапанавалі розныя сітуацыі, у якіх яны павінны былі прыдумаць смешныя рэплікі і адказы.

Сюрпрызам для каманд Кубка стаў званок рэктара! На сцэне ўдзельнікі пажартавалі, што кубак рэктара, а яе самой няма. Ірына Фёдараўна нажаль, не змагла быць на змаганні з-за камандзіроўкі, але яна пагутарыла з удзельнікамі і гледачамі па тэлефоне праз гучную сувязь і пажадала ўсім поспехі.

Па рашэнні журы трэцяе месца заняла каманда "Прыватная медыцынская арганізацыя", другое месца ў каманды "У чым соль?". Пераможцам кубка стала каманда "Якуб Колас". Прамяністым акцёрам прызнаны Яўген Шэфер з каманды "Якуб Колас", а лепшай актрысай - Карына Цыдзік з каманды "Малінавая лада". Самы жывы момант гульні быў у каманды "У чым соль?", а лепшы жарт - у каманды "Якуб Колас".

Лепшыя акцёр і актрыса атрымалі падарункавыя сертыфікаты ад запрошанага госця, Дырэктара ТАА "Хінкалгруп" Дзмітрыя Вашкевіча. Жывы момант быў адзначаны падарункавым сертыфікатам на паход у кінатэатр ад БРСМ, а лепшы жарт – сертыфікатам на каток у ГЦ «Трыніці» ад прафсаюзнай арганізацыі навучэнцаў нашага ўніверсітэта.