Урачыстае мерапрыемства адбылося на базе адміністрацыйнага будынка мытні. У ліку запрошаных гасцей былі дэкан юрыдычнага факультэта Святлана Чабуранава і студэнты 4 курса спецыяльнасці "Мытная справа" Ганна Сушко і Вера Мартынава.
Па ініцыятыве начальніка Гродзенскай рэгіянальнай мытні Аляксандра Піхуна на мерапрыемстве студэнткі былі ўзнагароджаны нагрудным знакам «За адзнаку. Мытная справа». З вакальным нумарам перад удзельнікамі мерапрыемства выступіла першакурсніца Купалаўскага ўніверсітэта Лізавета Высоцкая.
Як адзначылі дзяўчаты, атрымаць узнагароду з рук начальніка мытні - гэта вялікі гонар. Дарэчы, Вера Мартынава і Ганна Сушко прымалі актыўны ўдзел у мерапрыемствах, якія праводзяцца факультэтам і мытняй у рамках дагавора аб супрацоўніцтве паміж Гродзенскім дзяржаўным універсітэтам імя Янкі Купалы і Гродзенскай рэгіянальнай мытняй.
Гэта навуковыя семінары і алімпіяды, інтэлектуальныя гульні і творчыя конкурсы. Дзяўчаты паказалі высокі ўзровень ведаў і кампетэнцый пры праходжанні практыкі на базе структурных падраздзяленняў мытні.
