Сёлета ўпершыню 20% дыпломных работ студэнтаў спецыяльнасці "Электронны маркетынг" факультэта эканомікі і кіравання былі выкананы на базе Купалаўскага тэхнапарка. Арганізавана эфектыўнае ўзаемадзеянне з рэзідэнтамі Тэхнапарка. Пасля праходжання студэнтамі 4 курса пераддыпломнай практыкі, імі былі выкананы дыпломныя работы, тэматыка якіх была папярэдне ўзгоднена з адміністрацыяй і рэзідэнтамі Тэхнапарка.
Суіскальнікі дыпломаў прапанавалі новыя стратэгіі для вядзення бізнесу рэзідэнтам Тэхнапарка пры выхадзе на знешнія рынкі з выкарыстаннем інструментаў інтэрнет-маркетынгу, правялі ацэнку кан'юнктуры рынку паслуг Тэхнапарка, выявілі магчымасці яго прасоўвання. Так, напрыклад, рэзідэнт Тэхнапарка, студэнт 4 курса спецыяльнасці "Электронны маркетынг" Міхаіл Гнядэк, распрацаваў прапановы па выхаду на знешнія рынкі па заказу рэзідэнта Тэхнапарка, які прапануе камп'ютэрнае мадэляванне пры будаўніцтве дамоў.
Студэнцкае навуковае таварыства факультэта і Навукова-тэхналагічны парк ГрДУ імя Янкі Купалы адкрыты да супрацоўніцтва з маладымі і крэатыўнымі даследчыкамі з ліку студэнтаў і магістрантаў. Справа за малым - праявіць асабістую ініцыятыву!