Несумненна, лепшы падарунак для роднай аlma mater - гэта поспех студэнтаў, якія праяўляюць сябе ў самых розных сферах, у тым ліку і ў стратап руху. У снежні мінулага года завяршыўся маштабны VII адкрыты конкурс студэнцкіх бізнес-ідэй інавацыйных стартапаў "ІнНаСтарт", дзе было прадстаўлена мноства выдатных праектаў.

У перадсвяточны дзень пераможцы прэзентуюць свае ідэі. Усяго на конкурс было пададзена 82 заяўкі ад студэнтаў не толькі Гродзенскага дзяржаўнага ўніверсітэта, але і іншых навучальных устаноў Гродна і вобласці. Прызёрамі конкурсу сталі 14 праектаў.

ШТО? Прэзентацыя праектаў пераможцаў адкрытага конкурсу студэнцкіх стартап-ідэй інавацыйнага бізнесу "ІнНаСтарт".

ДЗЕ? Навукова-тэхналагічны парк ГрДУ імя Янкі Купалы, вул. Гаспадарчая, 21а.

КАЛІ? 21 лютага ў 14.00.