Семінар на тэму "Погляд моладзі на гісторыю", прымеркаваны да Міжнароднага дня мытніка і Года гістарычнай памяці, адбыўся на базе адміністрацыйнага будынка Гродзенскай рэгіянальнай мытні.У рамках семінара даклады прадставілі студэнты 2-4 курсаў спецыяльнасці "Мытная справа" і навучэнцы 10-11 мытных класаў СШ №13 Гродна. Усе, хто выступіў, атрымалі дыпломы ўдзельнікаў, а лепшыя даклады былі адзначаны дыпломамі розных ступеняў.
У прыватнасці, дыпломам III ступені адзначаны даклад "Уплыў Сусветнай мытнай арганізацыі на развіццё мытнай справы ў Рэспубліцы Беларусь" Вікторыі Сырэль, студэнтка 4 курса юрыдычнага факультэта.
Высокую ацэнку атрымаў даклад Аляксандры Славінскай, студэнткі 4 курса юрыдычнага факультэта, на тэму "Станаўленне мытнай справы ў Старажытным Егіпце і Старажытнай Грэцыі", ён быў адзначаны дыпломам II ступені.
Найлепшым сярод студэнцкіх выступаў стаў даклад на тэму «Гісторыя барацьбы з кантрабандай на беларускіх землях» студэнткі 3 курса юрыдычнага факультэта Веры Мартынавай. Даклад быў адзначаны дыпломам І ступені.
Завяршаючы сустрэчу, галоўны інспектар аддзела ідэалагічнай работы Гродзенскай рэгіянальнай мытні Юлія Раманюк падзякавала студэнтам і навучэнцам за выдатныя і вельмі інфарматыўныя выступленні. Дарэчы, адзін з такіх семінараў праводзіўся раней на базе юрыдычнага факультэта ГрДУ імя Янкі Купалы.
