Майстар-клас быў прысвечаны рашэнню задач павышанай складанасці па тэме "Закон Кулона". Аксана Гагікаўна прадэманстравала розныя спосабы разліку выніковай сілы, якая дзейнічае на зарад з боку сістэмы зарадаў, а таксама прапанавала разгледзець розныя варыянты размяшчэння зарадаў: уздоўж прамой, у вяршынях шматкутнікаў.

Майстар-клас дапамог школьнікам асвоіць некалькі практычных метадаў рашэння задач, у прыватнасці, метад праекцый і вектарны метад. Рашэнне задач суправаджалася інтэрактыўнай прэзентацыяй, якая дазваляе наглядна і даступна разгледзець складаныя фізічныя сітуацыі ва ўмовах задач.

Увага!

На фізіка-тэхнічным факультэце ў студзені ў рамках мерапрыемства "Купалаўская субота" плануюцца майстар-класы па іншых тэмах:

- майстар-клас "Што такое інтэрнэт рэчаў" з загадчыкам кафедры электратэхнікі і электронікі Андрэем Яўгенавічам Германам адбудзецца 22 студзеня ў 12.00 у навучальна-практычным корпусе фізіка-тэхнічнага факультэта ГрДУ на БЛК, 5, аўдыторыя 310.

- майстар-клас па рашэнні задач па хвалевай і квантавай оптыцы з загадчыкам кафедры агульнай фізікі Аляксандрам Аляксандравічам Маскевічам пройдзе 29 студзеня ў 11.30 у навучальным корпусе па вуліцы Ажэшкі 22, аўдыторыя 410.

Запрашаюцца ўсе ахвочыя!