Надрукаваць гэтую старонку
Апублікавана ў Панядзелак, 04 Чэрвень 2018 14:31

У рамках праграмы акадэмічнай мабільнасці ERASMUS + выкладчыкі ГрДУ імя Янкі Купалы прайшлі стажыроўку ва Універсітэце Карла Эстэргазі (Венгрыя)

9345 1Візіт выкладчыкаў у венгерскі ўніверсітэт супаў з правядзеннем Тыдня інтэрнацыяналізацыі, падчас якой адбыліся шматлікія сустрэчы з выкладчыкамі і студэнтамі Універсітэта Карла Эстэргазі.

 

Загадчык кафедры факультэта матэматыкі і інфарматыкі Лада Рудзікава, дацэнт кафедры стахастычнага аналізу і эканаметрычнага мадэлявання Кацярына Косарава, выкладчык кафедры рускай мовы як замежнай Наталля Дораш і старшы выкладчык кафедры журналістыкі Сяргей Ляшук падзяліліся вопытам у арганізацыі вучэбнай і навуковай працы ў ГрДУ імя Янкі Купалы з калегамі з Венгрыі, распавялі пра магчымасці навучання замежных студэнтаў у Летніх школах ГрДУ імя Янкі Купалы, наведалі практычныя заняткі і вывучылі асновы навучання ва Універсітэце Карла Эстэргазі.

У рамках праграмы акадэмічнай мабільнасці ERASMUS + выкладчыкі ГрДУ імя Янкі Купалы прачыталі лекцыі студэнтам факультэта матэматыкі і інфарматыкі, факультэта лінгвістыкі і педагогікі, пагутарылі з імі і запрасілі да ўдзелу ў штогадовай Летняй школе рускай мовы ў купалаўскім універсітэце. Акрамя таго абмеркавалі спецыфіку выкладаемых дысцыплін, змест вучэбных праграм і методыку выкладання калегамі з Венгрыі.

Таксама ў рамках праграмы акадэмічнай мабільнасці ERASMUS + адбыліся сустрэчы з каардынатарам праграм акадэмічнай мабільнасці Універсітэта Карла Эстэргазі Рэкай Тот-Доленшкі. Удзел у праграме акадэмічнай мабільнасці і Тыдні інтэрнацыяналізацыі, у прыватнасці, дазволіла не толькі прэзентаваць ГрДУ імя Янкі Купалы на еўрапейскай адукацыйнай прасторы, але і наладзіць кантакты з прадстаўнікамі ўніверсітэтаў Арменіі, Венгрыі, Казахстана і Турцыі.