Ўбачыць работы рабят прыйшлі самі юныя творцы, іх родныя, педагогі, супрацоўнікі і выкладчыкі універсітэта. У экспазіцыі прадстаўлены малюнкі дзяцей ва ўзросце ад 6 да 14 гадоў - вучняў гімназіі № 5 і сярэдняй школы № 16 г. Гродна. Работы выкананы ў тэхніцы гуашы, акварэлі, алоўка і ў змяшанай тэхніцы. Як адзначаюць арганізатары выставы - выкладчыкі кафедры выяўленчага мастацтва, кожнаму ўдзельніку мерапрыемства далі магчымасць паглядзець у будучыню вачыма дзяцей, убачыць чалавека будучыні і прадметы, якія яго атачаюць. Таму невыпадкова экспазіцыя называецца «Формула будучыні» і прымеркавана да Года навукі.

Словамі прывітання мерапрыемства адкрыла дэкан факультэта мастацтваў і дызайну Людміла Чарнілоўская.

– Ужо на працягу многіх гадоў у першы дзень лета ў галерэі «UNIVERSUM» мы адкрываем выставу творчых работ дзяцей горада. Малюнкі гэтых экспазіцый заўсёды пакідаюць яркія ўражанні ў студэнтаў, супрацоўнікаў, выкладчыкаў і гасцей нашага ўніверсітэта, таму што выпраменьваюць цяпло і дабро, дзівяць сваёй фантазійны, - адзначыла Людміла Осіпаўна. - Жадаю ўсім удзельнікам сённяшняга мерапрыемства весела і пазітыўна правесці лета, а таксама стварыць падчас вакацый новыя творчыя працы. Спадзяюся, дзіцячыя малюнкі не адзін год будуць упрыгожваць сцены ўніверсітэта.

Людміла Черниловская ўручыла пераможцам дыпломы I, II і III ступеняў і дыпломы ў намінацыях «Чалавек будучыні», «Горад будучага» і «Гармонія колеру». Іх уладальнікамі сталі больш за 30 юных мастакоў.

Цёплыя словы ў адрас рабят прагучалі і ад прадстаўнікоў адміністрацыі гімназіі № 5 і сярэдняй школы № 16 г. Гродна, якія падзякавалі купалаўскаму ўніверсітэту за магчымасць выстаўляць працы дзяцей і паказваць іх творчыя здольнасці, а таксама выказалі надзею, што цяперашнія таленавітыя школьнікі ў будучыні стануць паспяховымі студэнтамі ГрДУ імя Янкі Купалы.