Пытанні ўзаемадзеяння Інстытута фізічнай культуры, спорту і турызму Санкт-Пецярбургскага політэхнічнага ўніверсітэта імя Пятра Вялікага і факультэта фізічнай культуры абмяркоўваліся ў час візіту доктара педагагічных навук, прафесара, дарадцы начальніка Ваеннага інстытута фізічнай культуры па навуковай рабоце, прафесара кафедры тэорыі і методыкі фізічнай культуры Інстытута Аляксандра Гарэлава ў рамках праграмы «Запрошаны прафесар».На сустрэчы з прарэктарам па навуковай рабоце Уладзімірам Барсуковым, дэканам факультэта фізічнай культуры Андрэем Навойчыкам, загадчыкам кафедры спартыўных дысцыплін Віталіем Храмавым, начальнікам кафедры тэорыі і арганізацыі фізічнай падрыхтоўкі ваеннаслужачых Андрэем Лушнеўскім казалі аб супрацоўніцтве ў галіне сумесных навуковых даследаванняў, удзеле ў конкурсах навукова-даследчых праектаў, правядзенні канферэнцый і семінараў, выданні навуковай і метадычнай літаратуры.
У рамках візіту Аляксандр Аляксандравіч правёў цыкл лекцый для студэнтаў спецыяльнасці "Фізічная культура" і курсантаў ваеннага факультэта спецыяльнасці "Фізічная падрыхтоўка ваеннаслужачых". Купалаўцы даведаліся пра вытокі прафесійнай фізкультурнай адукацыі, якая паўстала і працяглы час развівалася як выгляд ваеннай адукацыі. Студэнты спецыялізацыі «Фізкультурна-аздараўленчая і турысцка-рэкрэацыйная дзейнасць» пазнаёміліся з тэарэтычнымі асновамі навукі аб руху - кінезіялогіі.
Акрамя таго, Аляксандр Гарэлы правёў кансультацыі для выкладчыкаў кафедры спартыўных дысцыплін па метадалогіі навуковых даследаванняў.
З усімі навінамі факультэта фізічнай культуры можна азнаёміцца тут.
З усімі навінамі ваеннага факультэта можна азнаёміцца тут.