Прафесар кафедры грамадзянскага права, намеснік дэкана па навуковай рабоце юрыдычнага факультэта Маскоўскага дзяржаўнага ўніверсітэта імя М.В. Ламаносава Наталля Казлова наведала юрыдычны факультэт купалаўскага ўніверсітэта ў рамках праграмы «Запрошаны прафесар».Вядомы расійскі вучоны прачытала лекцыі па курсе «Грамадзянскае права» для студэнтаў спецыяльнасцяў «Міжнароднае права», «Мытная справа», «Эканамічнае права», «Правазнаўства». Акрамя таго, Наталля Уладзіміраўна правяла кансультацыю для магістрантаў 1 курса спецыяльнасці «Прававое забеспячэнне альтэрнатыўных спосабаў ўрэгулявання канфліктаў і спрэчак» па напісанні магістарскіх дысертацый і занятак па карпаратыўным праве.
Для госці была арганізавана і культурная праграма. Наталля Казлова пазнаёмілася з выдатнымі мясцінамі Гродна, дасягненнямі беларускіх вучоных-юрыстаў у Год навукі. У Музеі гісторыі ГрДУ імя Янкі Купалы прафесар даведалася пра станаўленне і развіццё ўніверсітэта.
З усімі навінамі юрыдычнага факультэта можна азнаёміцца тут.
