Дэлегацыя купалаўскага ўніверсітэта, у склад якой увайшлі першы прарэктар Ірына Фёдараўна Кітурка, дацэнт кафедры міжнароднага права юрыдычнага факультэта Лілія Яраславаўна Абрамчык і начальнік аддзела міжнароднага супрацоўніцтва Цэнтра інтэрнацыяналізацыі адукацыі Вольга Вітальеўна Мінава, прыняла ўдзел ва ўрачыстых мерапрыемствах, прысвечаных інаўгурацыі новага навучальнага года.

З пачаткам новага перыяду ў акадэмічным жыцці польскага ВНУ рэктара Універсітэта ў Беластоку, прафесара Роберта Цыбароўскага ад імя кіраўніцтва ГрДУ імя Янкі Купалы павіншавала першы прарэктар нашага ўніверсітэта Ірына Фёдараўна Кітурка.

У рамках візіту дэлегацыя ГрДУ імя Янкі Купалы сустрэлася з прарэктарам па адукацыі Універсітэта ў Беластоку, прафесарам Войцехам Слешынскім і ўпаўнаважаным рэктара Універсітэта ў Беластоку па справах супрацоўніцтва з універсітэтамі Усходняй Еўропы Яраславам Мацвяюк.

У час сустрэчы бакі абмеркавалі перспектывы ўзаемадзеяння ўніверсітэтаў у рамках двух дзеючых дагавораў - дамовы аб міжнародным супрацоўніцтве, падпісанай у снежні 2015 г. паміж ГрДУ імя Янкі Купалы і Універсітэтам у Беластоку, і дамовы аб стварэнні Сеткі ўніверсітэтаў памежжа, заключаным у 2013 годзе. Прадстаўнікі ВНУ-партнёраў намецілі бліжэйшыя перспектывы міжвузаўскага ўзаемадзеяння - удзел у праграмах трансгранічнага супрацоўніцтва «Польшча - Беларусь - Украіна» і «Эразмус +», арганізацыя кароткатэрміновых абменаў выкладчыкаў і студэнтаў. Акрамя таго, бакі разгледзелі магчымасці правядзення на базе дзвюх ВНУ Летніх школ для студэнтаў розных спецыяльнасцяў з мэтай рэалізацыі ў будучыні сумесных адукацыйных праграм.