Беларускія канкурсанты змагаліся за перамогу ў 6 кампетэнцыях міжнароднага заліку і 6 кампетэнцыях каманднага заліку конкурснай праграмы. Удзельнікі прадстаўлялі якасныя ідэі, гатовыя да ўкаранення ў розных сферах эканомікі. Пераможцамі і прызёрамі сталі 36 чалавек.

Асаблівай нагодай для гонару стаў вынік у кампетэнцыі «Графічны дызайн». Другое месца і сярэбраны медаль міжнароднага заліку спаборніцтваў заваявала Марыя Піліпчык, выпускніца Гуманітарнага каледжа УА «ГрДУ імя Янкі Купалы».

Поспех стаў вынікам не толькі асабістага майстэрства і ўпартасці Марыі, але і прафесійнай каманднай работы. Да перамогі на міжнароднай арэне дзяўчыну прывяла яе настаўніца – міжнародны эксперт і эксперт-настаўнік Алена Пракопчык-Бяляўская. Дзякуючы яе чуламу кіраўніцтву, высокаму педагагічнаму майстэрству і падтрымцы праект нашай выпускніцы атрымаў высокую адзнаку экспертнай камісіі.

Гродзенскі дзяржаўны ўніверсітэт імя Янкі Купалы шчыра віншуе Марыю Піліпчык і Алену Пракопчык-Бяляўскую з гэтай заслужанай і яркай перамогай! Мы ганарымся тым, што нашы выпускнікі пацвярджаюць найвышэйшы ўзровень падрыхтоўкі, дэманструюць канкурэнтаздольнасць на міжнароднай арэне і ўпісваюць свае імёны ў гісторыю прафесійнага майстэрства. Жадаем Марыі новых творчых вышынь, невычэрпнага натхнення і паспяховага прафесійнага шляху, а Алене Уладзіміраўне – новых таленавітых вучняў і заваявання чарговых педагагічных вяршыняў!