Для стварэння конкурснай працы можна было выкарыстоўваць другсыравіну - поліэтыленавыя пакеты, пластыкавыя бутэлькі, макулатуру, прадметы ўжытку, адзенне і мэблю. Пераможцаў конкурсу вызначылі ў шасці намінацыях.

У намінацыі «Лепшая ЭкаЁлка» заслужанае першае месца заняла праца «Ёлка ББ», якую прадставіла выхавацель 1 катэгорыі інтэрната №6 Таццяна Быль. Другое месца заняла "Мальвіна", аўтарам якой з'яўляецца старшы выкладчык рамана-германскай філалогіі філалагічнага факультэта Ірына Міхалевіч. На трэцім месцы ў гэтай намінацыі апынуўся "Зялёны абярэг" студэнткі 1 курса педагагічнага факультэта Ганны Рачак.

Першае месца ў намінацыі «Лепшая елачная цацка» заняў «Зімовы церамок», аўтарам якога стала спецыяліст 1 катэгорыі аддзела даўніверсітэцкай падрыхтоўкі Цэнтра даўніверсітэцкай адукацыі Святлана Дзікевіч. На другім месцы - "Шчаўкункі", прадстаўленыя педагогам-псіхолагам вышэйшай катэгорыі сацыяльна-педагагічнай і псіхалагічнай службы ўпраўлення па ідэалагічнай і выхаваўчай рабоце Дзінай Крыніцкай. Галоўны бібліятэкар аддзела абслугоўвання навуковай бібліятэкі Алена Такарчук заняла трэцяе месца з працай "Навагодні калейдаскоп".

У намінацыі "Сімвал 2026 года" ганаровае першае месца дасталася выхавацелю 1 катэгорыі Юліі Міхайлавай і педагогу-арганізатару 2 катэгорыі інтэрната нумар 4 Марце Котавай з работай "Гаспадыня года". Праца "Вольны вецер", прадстаўленая вядучым спецыялістам арганізацыйна-метадычнага аддзела ўпраўлення па ідэалагічнай і выхаваўчай рабоце Марыяй Скерсь, заняла другое месца. Трэцяе месца атрымалі дзве працы: "Сімвал года" Алены Сідар, дзяжурнай па інтэрнаце №2, і Наталлі Кец, касцяляншы інтэрната №2, а таксама праца "Агністы сімвал" Юліяны Нікалайчык, студэнткі 2 курса педагагічнага факультэта, якая пражывае ў інтэрнаце №6.

Яшчэ адной намінацыяй стала «Іміджавая ёлка ўніверсітэта». Першае месца ў ёй заняла праца "Зялёная прыгажуня" Анастасіі Марцінкевіч, студэнткі 1 курса юрыдычнага факультэта, якая пражывае ў інтэрнаце №2. На другім месцы апынулася праца «ЭкаЁлка па-Купалаўску» Алены Корневай, намесніка дэкана па ідэалагічнай і выхаваўчай працы юрыдычнага факультэта, Аляксандра Корнева, студэнта 3 курса факультэта эканомікі і кіравання, а таксама Аляксандры Федаровіч, студэнткі 4 курса юрыдычнага факультэта. Трэцяе месца заняла праца "Сінтэз свята", падрыхтаваная студэнтамі факультэта біялогіі і экалогіі Валерыяй Зялёнкай, Дыянай Сцепанчук і Кацярынай Кузьміных.

У намінацыі "Навагодні сувенір" першае месца заняла праца "Піхтун" Жанны Дзідушак, касцяляншы інтэрната №4. Другое месца атрымалі адразу дзве працы – «Ціхая ноч» студэнткі 2 курса педагагічнага факультэта Юльяны Нікалайчык, якая пражывае ў інтэрнаце №6, і праца «Маленькай ялінцы не холадна зімой», дзяжурнай па інтэрнаце №5 Аленай Панчышнай. Трэцяе месца таксама падзялілі паміж сабой дзве работы: "Канёк-агеньчык" Ганны Ганчарук, загадчыцы камплектавання, навуковай апрацоўкі фондаў і арганізацыі каталогаў навуковай бібліятэкі, і Аляксандры Мілашэвіч, бібліятэкара 1 катэгорыі аддзела камплектавання, навуковай апрацоўкі фондаў і арганізацыі каталогаў навуковай бібліятэкі, а таксама работа "Калядны вязаны вянок" намесніка дэкана па ідэалагічнай і выхаваўчай рабоце інжынернага факультэта Вольгі Кітуркі.

У спецыяльнай намінацыі членаў журы "Ёлка з гісторыяй" перамогу атрымаў Віталь Храмаў, дэкан факультэта фізічнай культуры.