Гродзенскі абласны выканаўчы камітэт аб'явіў аб пачатку конкурснага адбору праектаў заданняў, прапанаваных для ўключэння ў рэгіянальную навукова-тэхнічную праграму "Інавацыйнае развіццё Гродзенскай вобласці" на перыяд з 2026 па 2030 гады. Прыём дакументаў працягнецца да 29 снежня.Да ўдзелу прымаюцца праекты па наступных напрамках: распрацоўка адаптыўных тэхналогій земляробства, якія ўлічваюць кліматычныя змены, у тым ліку маніторынг стану пасеваў і іншае; развіццё біятэхналагічных даследаванняў для вываду новых высокаўраджайных і стрэсаўстойлівых сартоў раслін; распрацоўка і ўкараненне адытыўных і лічбавых тэхналогій; удасканаленне вытворчасцей на прадпрыемствах з выкарыстаннем навукаёмістых, рэсурса- і энергазберагальных тэхналогій; тэхналогіі збору, захоўвання, апрацоўкі, абароны, кібербяспекі; лічбавыя мадэлі і двайнікі.
Каб прыняць удзел у конкурсным адборы, неабходна да ўказанага тэрміну даслаць на адрас Гродзенскага дзяржаўнага ўніверсітэта імя Янкі Купалы (г. Гродна, 230023, вул. Ажэшкі, 22) запоўненыя формы па праекту задання згодна дадаткам да загада Дзяржаўнага камітэта па навуцы і тэхналогіях Рэспублікі Беларусь ад 18.07.2019 № 208 «Аб устанаўленні прыкладных форм дакументаў па распрацоўцы і выкананні навукова-тэхнічных праграм, мерапрыемстваў па навуковым забеспячэнні дзяржаўных праграм» і кароткую інфармацыю аб праекце задання. Удзельнікі таксама могуць прыкласці дадатковыя дакументы, звязаныя з выкананнем праектаў, якія прадстаўляюцца на конкурсны адбор праектаў. Праекты заданняў павінны быць прадстаўлены ў трох экзэмплярах у папяровым і электронным выглядзе.
Запрашаем купалаўцаў прадэманстраваць свае інавацыйныя ідэі!
Падрабязней пра конкурсны адбор можна даведацца на сайце Гродзенскага абласнога выканаўчага камітэта.