Сёння, 10 лістапада, з рабочым візітам у Гродзенскі дзяржаўны ўніверсітэт імя Янкі Купалы прыбыў дырэктар Цэнтра арыентацыі даследаванняў і акадэмічных пошукаў, прафесар факультэта права Універсітэта Хасана II у Касабланцы Махамед Маламан. Мэтай яго візіту стала суправаджэнне абітурыентаў, якія прыбываюць ва ўніверсітэт для праходжання навучання, і абмеркаванні перспектыўных напрамкаў міжвузаўскага супрацоўніцтва.У рамках праграмы першага дня рабочага візіту дырэктара Цэнтра арыентацыі даследаванняў і акадэмічных пошукаў, прафесара Махамеда Маламана будзе праведзена сустрэча з кіраўніцтвам Купалаўскага ўніверсітэта. Перагаворы па пытаннях суправаджэння абітурыентаў, перспектыўных напрамкаў сумесных даследаванняў і адукацыйных праграм будуць праведзены з прарэктарам па вучэбнай рабоце Лявонціем Паўлавым, з начальнікам навукова-даследчай часткі Антонам Глазевым, з начальнікам Цэнтра інтэрнацыяналізацыі адукацыі Аленай Белакоз, з начальнікам аддзела міжнароднага супрацоўніцтва Вольгай Мінавай і з начальнікам аддзела рэкрутынгу і рэгістрацыі замежных грамадзян Ірынай Глаўніцкай.
Загадчык музея гісторыі развіцця ГрДУ імя Янкі Купалы Святлана Мардзечка правяла для прафесара Махамеда Маламана аглядную экскурсію па Купалаўскім універсітэце. Аглядную экскурсію па горадзе Гродна правядзе для госця выкладчык кафедры турызму і культурнай спадчыны Раман Грыгарчук.
Акрамя таго, прафесар Махамед Маламан пазнаёміцца з дзейнасцю навукова-тэхналагічнага парка ГрДУ імя Янкі Купалы, а таксама наведае факультэт эканомікі і кіравання, факультэт псіхалогіі, юрыдычны факультэт.
