4 і 5 верасня Гродна адсвяткуе свой 898 дзень нараджэння. У гэтым годзе ўдзельнікаў свята чакае насычаная праграма з тэматычнымі пляцоўкамі і займальнымі квэстамі, якія разгорнуцца на цэнтральных вуліцах горада.Урачыстасць пачнецца ў пятніцу, 4 верасня, з маштабнага экапрабегу, удзел у якім прымуць не толькі веласіпедысты, але і вадзіцелі электрамабіляў. У гэты ж дзень на Алеі кіно пройдзе адкрыццё памятнай пліты фільма «ГДР», які здымаўся ў Гродне ў 2022-2023 гадах. Завершыцца першы дзень свята атмасферным Фестывалем ліхтарыкаў у Швейцарскай даліне.
Асноўнае святкаванне пройдзе 5 верасня ў парку Жылібера і на вуліцы Савецкай. У гэты дзень госці свята змогуць наведаць інтэрактыўныя тэатральна-гістарычныя, этнаграфічныя, а таксама маладзёжныя і працоўныя пляцоўкі. Таксама жыхары і госці горада змогуць пазнаёміцца з дасягненнямі сучаснай Гродзеншчыны на тэматычнай лакацыі. Яркай часткай святкавання стануць традыцыйныя Фестывалі сыра і кветак «КВЕТКА-ФЭСТ».
Галоўнай асаблівасцю свята сёлета стане «Пашпарт удзельніка свята» – буклет, у якім можна атрымаць пячатку з лагатыпам свята на кожнай тэматычнай зоне. Той, хто выканае ўсе заданні і збярэ ўсе пячаткі, атрымае памятны сувенір.
Запрашаем купалаўцаў стаць удзельнікамі яркага свята!