У Гродзенскім дзяржаўным універсітэце імя Янкі Купалы працягваецца Летняя школа рускай мовы – штогадовы адукацыйны праект, які знаёміць замежных навучэнцаў з гісторыяй і культурай Беларусі ў інтэрактыўным фармаце.На працягу трох тыдняў юнакі інтэнсіўна вывучаюць рускую мову пад кіраўніцтвам вопытных выкладчыкаў кафедры рускай філалогіі, удасканальваюць гутарковыя навыкі і паглыбляюць веды граматыкі. Апроч аўдыторных заняткаў, студэнты наведваюць аглядныя экскурсіі па Гродне, знаёмяцца з гісторыяй і архітэктурай старажытнага горада, а таксама ўдзельнічаюць у культурна-забаўляльных мерапрыемствах. Адмысловым поспехам ва ўдзельнікаў карыстаецца праект «Караоке па-руску», дзе яны не толькі трэніруюць вымаўленне, але і выконваюць вядомыя рускія песні ў сяброўскай атмасферы.
Нагадаем, што навучанне ў Летняй школе праходзяць замежныя студэнты з Кітая і Нямеччыны. Заняткі арганізаваны на базе філалагічнага факультэта ГрДУ імя Янкі Купалы і працягнуцца да 22 жніўня ўключна.
Праект стаў добрай традыцыяй Купалаўскага ўніверсітэта, якая адкрывае замежным студэнтам багацце рускай мовы і стварае прастору для жывых міжкультурных зносін.
